Lospalos RCL VP Segunda 29/01/2024 = Bajéia ba Despaisu husi Minsitériu Edukasaun , liu husi Sirkular ho Númeru 262 hateten katak , Eskola Públiku hotu-hotu iha Teritórou Timor Leste , lápermiti atu halo Kobransa ba Alunu sira ba Propiñas Eskola nian , tamba Ministériu sei Responde Propiñas Eskola nian ,liu husi Orsamento Konsensoens Eskolar nian .
Superitendente Edukasaun Munisipiu Launtém Jorge da Costa Valênsa hateten, Laiha Lei ida ne`ebe atu regula Eskola atu halo Kobransa ba Alunu sira kona ba Propiñas Eskola nian , Maibe Inan Aman nia Kontribuisaun ne`e bele tamba ho kontribuisaun mak bele hafórsa Ensinu Aprendijajen iha Eskola kada loron.
‘’Ba Profesor no Diretór no Kórdinador Eskola sira , kona ba Propiñas Eskola nian Ministériu Edukasaun sei Atende liu husi Osan Konsensões Eskolar , Nune`e Lei la permiti ba Eskola atu halo Kobransa ba Alunu sira ba Osan Propiñas nian . Osan Kontribuisaun ne`ebe Inan Aman kontribui ba Eskola ida ne`e buat ketak ida , tamba ho kontribuisaun Inan Aman nian , mak bele aumenta Rekursu Úmanu , hanesan Profesor , tamba tinan barak ona Inan Aman kontinu Kopera ho Parte Eskola liu husi Kontribuisaun Osan hodi Selu Manorin ne`ebe Kontratu , atu nune`e bele haforsa Ensinu Aprendijajen iha Eskola kada loron. Agora ba Osan Propiñas ne`e hanesan Kompetensia Ministériu Edukasaun nian , ne`ebe kada Fulan 6 Aloka Osan Konsensões Eskolar ba Eskola ida-ida hodi Nesesita Material no Sasan Eskola ne`ebe Présija.’’ Hateten Jorge liu husi Enkontru Inan Aman Alunu iha ESG Ninu Koni Santana Lospalos Segunda feira 29/01/2024.
Entertantu:Maske kbiít Komunidade lá Permiti , maibe Inan Aman sira suporta makaás ona Ministériu Edukasaun , kona ba Rekursmu Umanu , tamba kada Eskola Manorin la to`o , Inan Aman mak Kompleta liu husi Kontribuisaun Osan ba hodi fó kontratu ba Manorin hodi hanorin iha Eskola , tamba Osan ba Konsensões Eskolar ne`ebe Ministériu Edukasaun Aloka ba Eskola Públiku sira la responde ba Selu Manorin Kontratadu.
Jornalista ; syno
Editor ; NP
