Lospalos RCL VP Tersa 20/02/2024 = Superitendente Educasaun Munisipiu Lautem Jorge Valénsa Tersa Feira ne`e hateten , Manorin Ida Baku Alunu Na`in Rua iha Ensinu Secundária Ninu Koni Santana Lospalos iha Semana Liu ba , to`o Kanek no Bubu iha Ain , Servisu Munisípal Edukasaun , Relata Ona ba Ministériu Edukasaun , tamba Ministériu Hatuúr Ona Lei Zero Violénsia iha Eskola .
Superintendente Edukasaun ne`e mós afirma , Akontesementu ida nee Ministériu Edukasaun mak sei identifika Kategoriza Kazu Indisiplina ou Kazu Krime , tamba Kona Manorin ne'e Ministériu Mak sei Desidi .
‘’ Tuir Lei Ministériu Edukasaun nian , katak Eskola hotu iha Nasaun Timor Leste tenke ho Zero Violensia ba Estudante Sira , maibe Manorin iha Eskola Nino Koni Santana Lospalos baku Estudante nain 2 to’o kanek ho ida ne’e, parte Edukasaun halo ona Relatoriu Ministériu Edukasaun Nasional , no sira mak identifika kazu ne’e Kategoria Indisiplinadu ou Kazu Krime , ida ne’e Ministeiru Edukasaun mak bele deside. Tuir Infórmasaun ne`ebe Parte Edukasaun hetan katak , Kazu ida ne`e mosu , Wainhira Mestre sira Haruka Alunu tama Aula , maibe lakoi, no halai fali ba liur hodi hasai Liafuan ne`ebe la Edukativu ba Manorin sira , hodi ida ne’e mak Manorin duni Labarik sira no toman tiha labarik Nain 2 ne’e no lori ba Eskritoriu hodi baku no tebe nia ain to’o kanek,maibe ba Parte Polisia nian ne’e parte Polisia mak hatene ,maibe ba Edukasaun nian ami Edukasaun mak hatene ,no Problema entre inan aman Alunus mos tur hamutuk ona ho Eskola no rejolve ona tuir familia.’’ Hateten Superitendente Edukasaun Munisipiu Lautem Jorge Valensa ba Jornalista RCL Tersa Feira 20/02/2024.
Relasiona ho Kazu ida ne`e , Komandante Polisia Munisípiu Lautém Superintendente Polisia João da Costa Tersa Feira ne`e hateten , Manorin Baku Alunu Na`in Rua (2) to`o Hetan Kanek no Bubu iha Parte Ain , iha Ensinu Sencundária Geral Ninu Koni Santana (ESG NKS) Lospalos iha Loron 12/02/2024 , Parte Polisia Invéstigasaun Levanta ona ba Ministériu Públiku , tamba Kazu ida ne`e hanesan Kazu Públiku .
‘’Kazu sa`ida de`it ne`ebe mak keisa ona iha Komandu PNTL Munisipiu Lautém , tenke prosesa tuir lei ne`ebe mak iha , inklui kazu labarik nain 2 ne`ebe hetan Baku husi manorin ne’e, tamba Kazu ida ne`e hanesan Kazu Públiku , nune`e Kontinua Prosesa tuir Lei ne`ebe iha , Maske rejolve ona tuir familia .’’ Dehan Superintendente Polisia João da Costa Tersa Feira 20/02/2024.
Entertantu: Kazu Manorin Baku Alunu Na`in 2 Iha, ESG NKS Lospalos ne`e , Parte Inan Aman Alunu no Manorin , tuúr hamutuk ona no Rejolve ona tuir Familiar , maibe , Prosesu Kontinua la`o iha Ministériu Públiku.
Jornalista ; Syda
Editor ; NP
