Lospalos RCL VP 16-04-2024 Ministériu Juventude Arte no Cultura MJAC , Segunda Feira ne`e hahu Fasilita Grupu Soru Taís iha Munisípiu Lautém , hodi fo Formasaun Artézenatu iha Sentru Kultura Lospalos , hodi Promove Juventude Munisipiu Lautém sai Joven ne’ebe kreativu no Inovativo , no introdus Eransa Kultura sira ne’ebe mak beiala sira husik hela mai ita.
Diretór Jeral Arte Cultura Gil Oliveira liu husi Formasaun Artezenatu iha Salaun Sentru Kultura Munisipiu Lautém hateten,Objéitivu husi Formasaun ida ne`e atu transforma informasaun husi Soru nain ne’ebe hatene ona soru tais no Transmiti fila fali ba gerasaun foun sira, ho nune`e Eransa Kultura ne`ebe liga ba Soru Taís ida ne`e labele lakon.
‘’Objétivu ba Formasaun ida ne`e , atu transforma informasaun husi matenek Soru Nain sira iha Munisípiu Lautém ne`ebe hatene ona soru taís , no Transmiti fila fali ba gerasaun foun sira , atu bele hatene ho nune’e Eransa Kultura ne’ebe liga ba Soru Taís labele lakon,tamba Atividade Hanesan ne`e atu Kontinua Promove no Transforma ba, Jerasaun foun sira hodi bele kontinua fali ba Sai hanesan Atívidade Kultural ida ne`ebe sai Eransa iha Nasaun Timor Leste no iha Munisípiu Lautém.” Hateten Diretór Jeral Arte Kultura Gil Oliveira ba Jornalista sira Segunda 16-04-2024.
Nia mós hateten, Ministériu Juventude Arte no Cultura fo Apoiu ba Grupo no Redi Soru na`in sira atu bele hamoris nafatin nia Rede ka grupu sira nomos fo benefisiu mos ba Juventude sira atu bele kontinua nafatin Eransa Kultura ida ne`e ba oin.
‘’Hau hanoin IX Governu Konstotusional Liu husi Ministériu Juventude Arte no Kultura nafatin fo Apoio Grupu no Redi Sori Taís sira ne`e atu bele hamoris nafatin nia Rede ou Grupo sira ne’ebe durante ne`e durante Ejiste hela, no mos iha Koñesementu ona, bele hanorin fila fali jerasaun foun sira , hodi bele benefisia mos ba Juventude sira atu bele kontinua nafatin ba Eransa Kultura ida ne`e ba oin .” dehan nia.
Iha sorin seluk Formador Ilda da Cruz nudar Kórdenadora Kóperativa Looúd mos hateten, nia parte sente Kontente no Orguilu tamba bele sai Formador,tamba Artezanatu Tradisional Soru Taís ida ne`e bele hala`o iha Munisípiu Lautém nomos Promove nafatin Foinsae sira hodi bele hatene Soru Taís.
‘’ Hau Agradese no sente kontente,tamba hau mos sai nudar Formador no hanorin Artezanatu Tradisional Soru tais ida ne`e ba foinsa`e sira ,nomos bele Promove nafatin Foinsae sira hodi bele Aprende no hatene oinsa Soru Taís , atu nune’e atívidade Soru Taís labele lakon , tamba Soru Taís ida ne`e sai Eransa Kultura ne`ebe mak importante iha Munisípiu Lautém. Dehan Ilda da Cruz
Entertantu:Formasaun ida ne`e sei la`o durante Loron Lima (5) hahu husi Sengunda feira no sei remata iha Sexta feira semana ne`e.
Jornalista;sisi
Editor;NP
