Lospalos RCL VP 24/04/2024 Xéfe Detpartamentu Servisu Emergensia Médika Munisípiu Lautém Amadoru Miguel Sampaiu Kuarta Feira 24/04/2024 ne`e hateten , Governu presija hadia infrastrutura bazika ba kampu aviasaun iha Sucu Rasa Postu lospalos, Munisipal lautem, tamba kampu aviasaun ne`e, aviaun la bele semo no tun ona , tamba Kondisaun la Favorese landasan.
Amadoru mos hateten , Kondisaun ida ne`e halo , Servisu Emerjensia Medikamentu Lautém , kuaze tinan Ida ona la halo transferensia pasiente liu husi Aero, tamba Landasan iha kampu Aviasaun at, difikulta atu aviaun semo no tun,ho nune`e nia parte husu ba Ministériu ne`ebe relevante sira, atu tau planu ba kampu aviasaun refere, nune`e sira bele halo Halo Transferensia Pasiente liu husi Aero.
‘’Tinan ida ona Ami la halo ona transferensia pasiente liu husi Aero, tamba Landasan iha kampu Aviasaun Aát , difikulta atu aviaun semo no tun,ho nune`e nia parte husu ba ministeiru nebe relevantes , atu tau planu ba kampu aviasaun refere, nune`e sira bele halo rujuk pasiente sira ne`ebe moras grave no durante ne’e sira tula pasiente moras grave sira/ ho deit via transporte teres tre, hodi difikulta ba sira, tamba kondisaun estrada at, no fo ameansa ba pasiente sira nia vida,tamba pasiente ne`ebe moras grave presija hetan apoiu emergensia husi nasional ho Aero.’’ hateten Xéfe Departamentu Servisu Emergensia Medika Munisipal Lautem,Amadoru Miguel Sampaiu Kurta Feira 24/04/2024.
Relasiona ho Situasaun ida ne`e , Prezidente Autoridade Munisípal Lautém, Meliu de Jejus informa katak, Lautém la iha orsamentu atu halo rehabilitasaun landasan aviaun nian, maibe nudar autoridaade munisipal , nia parte sei buka meius hodi bele normalija fila fali landasan iha kampu aviasaun nian ne`ebe Aát.
‘’Dadaun ne`e , ita nia Orsamentu Munisípal nian ba Hadia kampu Aviasaun iha Lautem ne`e Laiha , Maibe Hanesan Autoridade Ida , Hau sei halo Tentativa oin-oin hodi bele normalija fila fali ba landasan iha kampu aviasaun nian ne`ebe durante ne`be at.’’ Hateten Meliu.
Entertantu :Reponsabel Ambulansia iha Lautém ne`e husu ba Prezidente Autoridade Munisipal Lautem, halo Redi Haleu Redi ba iha kampu aviasaun refere nune`e,transporte Publiku sira la bele halo Movimentasaun iha fatin refere, tamba prejudika atu aviaun semo tun.
Jornalista;syda
Editor;NP
