Actividade Peska ne’ebe Grupo Fuan Moris halao iha suku tutuala postu adminitrativo tutuala munisipio lautém tenki halo gestaun ho diak hodi bele hasae kresimentu ekonomia iha grupo laran hodi bele sustenta ekonomi family
Xefe grupu Peskador Fuan moris Modestu dos Santos lopes,hateten nia parte agradese tebes ba Secretariu Estadu Cooperativa, tamba bele responde ona sira nia pedido hodi apoiu financeiru liu husi orsamentu geral estadu tinan 2024,
no husi apoiu ne’e grupu Peskador fuan moris ne’ e promete sei utiliza bero refere hodi halo aktividade peskas nian nune bele sustenta ba sira nia ekonomi uma laran.
” Ami Grupo Peskador Fuan moris sente kontente tamba durante ne’e ami halo ro’o ho liman deit uja ho ai deit, ida ne’e ami prepara ba kain ikan, no ami tenki uja no ami mos hatama pedidu ba iha Secretariu Stado Cooperativa no Secratariu Stadu mos Apoiu Finanseiru liu husi Orsamentu Geral Stadu 2024 nian no ami mos promete katak ,sei utiliza bero refere hodi halo aktividade peskas nia nune bele sustenta ba ami nia ekonomi uma laran.hateten Xefe grupu Peskador Fuan moris Modestu dos Santos lopes.’’
Administrador Postu Administrativu Tutuala Carlito Perreira,mos husu ba grupu peskador sira atu utiliza berro ho diak hodi bele hasae krensimentu ekonomia liu husi aktividade peskas nian .
‘’ hau husu ba grupu peskador sira atu utiliza berro ne ho diak hodi bele uja ba krensimentu ekonomia liu husi aktividade peskas nian hodi sustenta familia uma laran,tamba atu utilija bero ne’e tenke uja ho kuidadu hodi halo servisu Peska nian,maibe labele uja ba actividade tula Pasajeiru ba Valu no ba Jaco.’’
iha fatin hanesan Secretariu Estado Cooperativa Arsenio Perreira da Silva, mos husu ba grupu peskador sira atu halo gestaun diak ba funsionamentu aktividade grupu nian nune kontinua funsiona nafatin, tamba financeiru nebe Secoop Apoiu ne’e husi orsamentu geral estadu nian liu husi tranferensia publika.
“hau husu ba grupu tamba orsamentu nee mai husi orsamentu geral do estadu nebe transferensia Publika ba grupu entaun grupu tenki utiliza ho didiak halo manutensaun diak, ida ne mak sai fonte rendimentu atu krense ekonomia familiar,no Apoiu ne’e Atraves de tranferensia publika ohin ita mai lansamentu ne’e, nudar secretariu sente kontente tamba grupu benefisiariu halao duni tuir sira nia pedido.” Secretariu Estado Cooperativa Arsenio Perreira da Silva dehan mai ita.
Entretantu: total orsamentu nebe grupu hatoo liu husi pedido ba secoop hamutuk rihun 5 (5.000.00$ husi total orasamentu nee rihun 3 ( 3.000 .00$) grupu peskafor hola ba bero ho nia asesor balun, rihun 1 atus 5 (1.500.00 $) ba motor bero, no atus 2 (200.00 $) ba trasporte nian.
Jornalista;Veersisi
Editor;EL
