RCL VP NEWS 20/12/2021
Prezidente Asociasaun Inan Aman dos professores ga AIAP Ensinu Sekundaria geral Ninu Konis Santana Lospalos, Paulos de Souza hatete, Estudante sira mak sai Centru Dezenvolvimentu Nasional tamba ne’e inan Aman sira tenke kuda Disciplina ba Oan sira , atu nune’e bele sai estudante no oan ne’ebé diak iha Futuru.
Prezidente AIAP Ensinu Sekundaria geral Ninu Konis Santana Lospalos, Paulo de Souza iha enkontro regular entre eskola no Inan Aman sira iha eskola refere segunda feira 20/12/2021 ne’e hateten , husu ba Estudante nia inan Aman sira ne’ebe partisipa enkontro refere atu Kontrola nafatin oan sira atu la bele monu ba impaktu husi teknologia , tamba agora ne’e ita moris iha Mundu Teknologia Global .
“Oan sira mak sai Centru ba Dezenvolvimentu tamba ne’e ita nudar inan aman tenke kuda Disciplina ba oan sira atu nune’e sai Futuru ne’ebe diak ba ita no mos ba inan aman sira ne’ebe fasilita nia oan sira ba eskola ho motor no telephone android sira ne’e tenke tau matan nafatin ba sira tamba dala barak estudante sira dehan ba eskola maibe ba fali fatin seluk tamba ne’e inan aman sira tenke fo hatene ba labarik sira atu uza teknologia ho diak,” hateten Paulo de Souza iha enkontro refere.
Paulo de Souza ne’e mos haktuir, eskola mak sei muda ema nia Moris tamba ne’e inan aman sira tenke kuda nafatin disciplina ba estudante sira no obriga sira atu ba eskola hodi bele dezenvolve a’an.
“Eskola ne’e bele muda ema nia moris, tamba ne’e Parte Eskola obriga sira no kontrola sira atu mai eskola la bele halimar ho labarik sira, ita inan aman sira tenke uza meios oi-oin hodi eduka ita nia oan sira ba eskola hodi bele dezenvolve sira nia A`an ,” dehan Paulo
Entertantu ; parte ensinu Sekundaria Geral Ninu Konis Santa Lospalos Segunda feria ne’e halao enkontro ho inan aman estudante sira iha Eskola refere hodi koalia kona ba Planu eskola nian no planu Futuru estudante sira nian.
Jornalista:Ito
Editor:Nascimento Provincial
