RCL VP NEWS 20/12/2021
Equipa Floresta Municipiu Lautem Prende Aikameli hamutuk kaixa 6 iha Sabadu loron 18 Fulan Dezembru Tinan 2021 iha Suku Lore Segundu Postu Administrtivu Lospalos maizumenu tuku 2 madrugada, wainhira hala’o Pasta Revista iha Suku Lore II Postu Administrativu Lospalos Municípiu Laútém.
Kordenador Guarda Floresta Municipiu Lautem, Abilio Toreira ba Jornalista RCL iha nia knaar fatin Segunda Feira ne’e hatete, wainhira rona informasaun katak, komunidade husi suku Lore I atu mai Fa’an Aikameli iha Villa Lospalos, ho nune’e Equipa Floresta no Policia OPS Suku nian hala’o pasa Revista iha Suku Lore II no hetan duni Aikameli Kaixa 4 inklui Pasta ki’ik no Bo’ot 1 maizumenus tuku 2 madrugada iha loron Sabadu.
“Ami prende Aikameli ne’e wainhira ita nia komunidade sira lori sira nia produtu lokal mai Merkadu , antes ne’e iha ona informasaun ema tesi Aikameli ho nune’e ami halo pasta revista hamutuk ho Ops suku Lore I no Lore Segundu nian no maizumenus tuku 2 sabadu madrugada ami hetan Duni Aikameli ne’e, sira tau iha kaixa laran depois kesi metin ho isolasi hodi hatama ba karon no balum tau iha pasta ki’ik no bo’ot,” hatete Abilio Pereira ba Jornalista RCL iha nia knaar fatin Segunda Feira ne’e.
Abilio Pereira ne’e mos haktuir, dadaun ne’e Aikameli sira ne’e Equipa Floresta rai ona iha Armajen no mos ba komunidade ne’ebe fa’an aikameli ne’e, equipa halo ona karta deklarasaun hodi entrega ba Policia sira hodi investiga tuir Lei ne’ebe haruka.
“ Aikameli nebe ami Equipa Prende ne`e agora iha Hela Armagen Floresta Municipio Lautem nian, no ba Suspeito nebe foti Aukameli hodi ba fa`an , ami haruka mai ona hodi presta deklarsaun no entrega ba Policia Investigasaun nian hodi investiga tuir lei,” Abilio haktuir.
Entertantu : Abilio ne’e mos informa, ema ne’ebe fa’an Aikameli ne’e Mane hotu nain 2 idade ona no 1 seluk sei joven hela husi Suku Lore I Postu Administrativu Lospalos Municipiu Lautem.
Jornalista:ito
Editor:Nascimento Provincial
