Lospalos [RCL Vox Populy] – Kompanha Soru Coconut oil prontu apoiu planu Governu ne’ebe fo importansia ba produtu lokal ba programa implementasaun sesta-básica ba faze daruak, atu motiva agrikultor sira hodi hasae produsaun Ai-han iha rai laran.
Director kompanha soru coconut oil Arsenio Da Costa Pinto Cabral ba jornalista RCL Tersa-feira [25012022] hateten, emprezariu lokal apoiu polítika governu ne’ebé atu implementa programa sesta bázika ba daruak hodi motiva grupu agricultura sira atu hasa’e produsaun ai han iha rai laran.
“ami kompnya mina nu’u prepardu, no hau kontente tamba buat guvernu halo ne’e diak ba ita nia agrikultor sira, ita nia produtor sira liu-liu ita nia to’os nain sira ita tenke produs ona para apoiu programa tamba programa nebe ita nia guvernu halo ne’e nia diak ne’e iha maske iha iha failansu ne’e la’os ita nia guvernu mak hadia rasik maibe ne’e ita hotu tenke hadia atu nune’e programa ne’e iha nia kontinuasaun nafatin tamba hau fiar katak guvernu halo programa ida ne’e sei motiva diak liu tan agrikultor sira hodi hasae produsaun iha rai laran,” dehan Arsenio.
dadaun ne’e nia parte prepara ona tamba mina virgen ne’ebe iha armagen iha tonelada 40 resin, no durante ne’e nia mos eksporta ona tonelada 10 resin.
Iha tinan 2019 no tinan 2021 hamutuk toneladas 10 resin ita ne’ebé eksports ona ba Australia, no kompanha ne’e mos prepara ona toneladas 40 resin, hodi apoiu programa sesta bázika tuir nesesidades.
Tuir planu, polítika governu atu sosa agricultur sira nia produsaun iha rai laran hanesan pasu positivu tamba bele hasa’e produsaun ai han iha rai laran, no hamenus importasaun.
Jornalista: Ito
Editór: Zem-Kasar
