Lospalos [RCL Vox Populy] – Bee Timor Leste Empreza Publika [BTL_EP], tuir planu sei halo meloramento no intervensaun sistema Bee iha Laútem hodi fornese ba sidadaun sira, durante ne`e fornesimento Be`e mo’os la sufisiente relasiona ho Sistema kanalizasaun ne’ebe a’at.
Ofisial Tekniku BTL_EP Munisípiu Laútem Eurico da Costa ba RCL Iha [Kuarta-Feira 26012022] hateten, tinan ne’e instituisaun Estado ne’e sei hadia no halo intervesaun ba servisu ne’ebé durante ne’e seidauk lo’os, liu-liu estragus be’e mo’os no kanu sira ne’ebé kuak iha area zona distribusaun BTL nian.
Servisu BTL_EP iha Laútem desde fulan Dezembro, rejista ona benefisiariu ne’ebe dada be’e.
‘’Ami nia planu ba tinan ida nee ho temporariamente sei halo melhoramentu nomos halo intervesnsaun ba serviso balun nebe mak dutrrente nee ami sedauk halo los ,liu-liu ba halo intrvensaun ba etragus bee mos no kanu kuak iha area zona distribuisaun BTL nia serviso”. Hateten Eurico.
Bazeia ba Distribuisaun be’e mo’os, EBTL Laútem nafatin atende benefisiariu sira hodi hetan be’e mo’os tuir posibilidade ne’ebé mak iha.
” Liu husi Distribuisaun Bee mos nee Ami foin serviso iha fulan Dejembru tinan kotuk too mai fulan ida nee ami atende ona klinte sira no hetan ona distribusaun bee mos no balun sedauk tambe sedauk iha posibilidade ho nunee ami husu nafaintin ba klinte sira waihira atu hetan bee mos tenki mai rejistu no hodi bele tuir kriteria sira nebe mak iha mak foin ami bele halo distribusaun ba klinte sira”. Dehan Eurico.
Total benefisiario ne’ebe hetan ona distribusaun be’e mo’o husi BTL Laútem hamutuk Rihun Rua Atus Rua (2.200.)
Jornalista: Erme
Editór: Zem-Kasar
