Tuir Observasaun Comisaun Nasional Eleitoral CNE Municipiu Lautem, prosesu Kampana Prezidensial tinan 2022 iha Municipiu Lautem hahu husi loron 2 fulan Marsu to’o agora ne’e la’o diak tamba Tuir duni kalendario, prosedimentus Legais no Regulamentu sira.
Lia hirak ne’e hato’o husi Diretor CNE Municipiu Lautem, Anacleto Lopes ba Jornalista RCL iha Nia knar fatin Quarta Feira semana ne’e.
Nia haktuir, durante ne’e mos CNE ho Equipa Kandidatura sira ne’ebe hala’o kampana iha Municipiu Lautem ne’e iha komunikasaun no kolaborasaun diak inklui Agensia Internasional no Nasional sira hodi bele asegura Kampana prezidensial ida ne’e.
“Prosesu Kapampana eleitoral ba kandidatura sira iha nivel municipiu la tuir duni orariu kalendario kampaña nian ne’ebé prepara ona husi CNE Nasional, iha Nivel Municipiu halo servisu Ezekuta haruka Supervizaun ba Terenu husi iniciu dia 2 to’o ate ohin prosesu kampaña em geral la’o diak, tuir duni kalendario, tuir duni Prosedimentu Legais, regras sira, tempui ne’ebe sira uza hahu orasa tuku 8 : 00 kuaze kompri hotu , em termos komunikasaun no kordenasaun ne’ebe ami halo ho entidades sira relevantes sira iha prosesu sira kampaña nian liu-liu espesifiku liu ba Ekipa Kandidatura sira komunikasaun ne’ebe halo iha tempu kalan tempu loron , tantu mos ba parte siguransa sira, PDHJ, CAC, Uniao Europeia sira inklui Media sira atu sai equipa ida para hot-hotu hola nia papel ba iha Prosesu kampana ida ne’e,” hatete Anacleto Lopes ba Jornalista RCL iha Nia Knaar Fatin Kuarta Feira ne’e.
Diretor ne’e mos Akrecenta, hahu husi iniciu Kampana prezidensial to’o Agora ne’e la Iha Krime no acidente trafiku ruma ne’ebe mosu iha Procesu Kampana nia laran tamba Militantes Partidu Politiku sira iha Koperasaun diak Ho parte CNE, Lider Lokal no Parte Seguransa sira iha Municipiu Lautem.
“hau hanoin ate adata husi dia 2 ate ohin ita nia situasaun sira hanesa ne’e la mosu iha nivel Municipiu Lautem tantu ita hakmatek los ami haree hela ami mos oberva iha kontribuisaun diak tamba iha Suku Balum strutura Partidu politiku sira iha kopersaun diak tebe-tebes ho sefe suku no sefe aldeia sira inklui parte seguransa sira iha Municipiu ida ne’e,” nia haktuir
Entertantu : CNE Municipiu Lautem Sei kontinua asegura Kampana no elisaun Prezidensial tinan 2022 nian iha Municipiu ida ne’e atunune’e bele atinge elisaun ida ne’e ho Pasifiku.
Jornalista:ito
Editor:NP
