Tinan Rua nolu ona Povu Japaun liu husi sira nia Embaixàda iha Timor Leste , kontinua fo asistènsia ba nasaun Timor Leste iha Setòr Saùde no setòr sira seluk , tamba Nasaun Timor leste sei presiza nafatin tulun husi Parseiru Dezenvolvimentu sira.
Embaxàdor Japaun ba Timor Leste Massami Kinefuchi , iha nia Diskursu iha serimonia inagurasaun Postu Sa`ude Sucu Soru Lospalos Quinta feira 28/07/2022 ne`e hateten , Tinan ida ne`e , Marka Vigesìmu aniversàriu ba restaurasaun Indepedesia Timor Leste nian , no Vigesimu Aniversàriu husi relasaun entre Japaun no Timor Leste , Governu Japauan sempre kontinua apoia hari`i nasaun Timor Leste durante tinan rua nolu resin.
‘’ Tinan ida ne`e Marka Aniversario Timor Leste ba dala 20 , Restaurasau indepedensia Timor leste nian , nune`e mòs Aniversàriu ba dala 20 relasaun formal entre Japaun no Timor Leste . Governu Japones sempre apoia hari`i Nasaun Timor leste nian durante tinan 20 liu , inklui mòs tempu sira antes restaurasaun indepedensia nian , ami nia Arèa Apoiu mak Kuidadu Saùde iha Nasaun ida ne`e . Servisu besik liu ho Ministèriu Saùde no parseiru ho Unicef , JICA , Ong Japones no Ong Local sira , governu Japaun finansia ona projètu oi-oin ho total orsamentu Dolares Americanu miliaun 35 , hodi hadia servisu kuidadu saùde iha nasaun ida ne`e , ami mòs apoia Nasaun Timor leste , hodi kombate Covid-19.‘’ dehan Embaxàdor Japaun ba Timor Leste Massami Kinefuchi , iha nia Diskursu iha serimonia inagurasaun Postu Sa`ude Sucu Soru Lospalos Quinta feira 28/07/2022 ne`e
Nia mòs informa , Governu Japaun mòs apoia iha Municipiu Lautèm iha area Edukasaun , fornesimentu Be`e mòs no kapasitasaun iha industria oi-oin , inklui mòs kuidadu Saùde no hari`i eskola primaria no secundaria sira .
‘’ Koalia kona ba Regiaun ida ne`e Ami nia apoio ba Municipiu Lautèm foka liu ba Edukasaun , fornesimentu Be`e Mòs , no kapasitasaun iha industria oi-oin inklui mòs kuidadu saùde . Ami hari`i ona Eskola Primaria no Secundaria , Postu Sa`ude sira , Sistema fornesimentu be`e mòs , liu husi implementasaun projetu 27.’’ Informa Embaxàdor Japaun ba Timor Leste.
Entretantu ; Governu Japaun , liu husi sira nia Embaxàda iha Timor leste , sei nafatin hatudu nia protidaun hodi kontinua apoia asistensia ba Nasaun Timor Leste , liu husi Programa Kuidadu Saùde no Apoia sira seluk.