LOSPALOS RCL VOX POPULY=Inan Aman Alunus Sira , iha Vila Lospalos Lamenta ho Implementasaun Programa Merenda Eskolar nebe durante ne`e Aplika iha kada Eskola Eskolar , Filial no Central ne`e la tuir ona Mata dalan nebe iha , tamba Hahan nebe Eskola Prepara ba Alunus sira la du`un diak .
Reprejentante inan –Aman Estudante Ensino Bazico Filial ga EBF Nùmero 2 Lospalos , Amada dos Santos ba Jornalista RCL iha Aredor Eskola nian hateten , nia parte ladun safisfa ba hahan program merenda eskolar nebe implemta iha EBF numero rua lospalos , tamba Hahan nebe mak kada aluno konsumu nee ituan , no la Promove alimentasaun nebé nutritiva ba alunus sira.
Nia husu nafatin ba parte edukasaun liu ba programa merenda eskolar nian atu bele halo monitorijasaun no kontrolasaun ba kada eskola , Nune`e Implementa Programa ne`e tuir duni mata dalan nebe iha , hodi Promove alimentasaun nebé nutritiva ba alunus sira .
‘’hahan mereda eskolar nebe labarik konsumu nee ladun kona ba ba ami nudar inan-aman nia laran tamba modo tahan mos laiha no naan mos ida deit no kiik oan tan , Nune`e hau nudar Reprejentante Inan Aman nafafin husu ba parte edukasaun atu bele aumeta tan orsamentu ba programa eskolar nian, nunee hahan merenda sira bele sufisiente ba labarik sira no husu mos ba parte edukasaun liu -liu ba parte programa merenda eskolar nian atu bele halo monitorijasaun no halo kontrolsaun ba kada eskola hodi bele hatene Menu ba ba Programa Merenda Eskolar nian ‘’ Dehan Reprejentante inan –Aman husi labarik Estudante iha eskola EBF numero rua lospalos Amada do santos.
Entertantu ; Relasiona ho Questaun ne`e , Jornalista RCL tenta atu konfirma ba Parte Eskola no Responsavel Programa Merenda Eskolar , maibe labele fo Komentario ruma , tamba Sei Okupado ho Servisu Publico balun nebe Importante liu.
Jornalista:Erme
Editor:NP
