LOSPALOS RCL VOXPOPULY = Policia Nasional Timor Leste ga PNTL Municipio Lautèm selebra Loron Aniversario PNTL Nian ba dala 22 ho tema , Ho aniversario ba Dala 22 PNTL prontu hametin Lei no Ordem ho imparsial no Neutral hodi Prevene Crime Iha Estado de Direito Democratico.
Deskursu Komandante Geral Comisario PNTL nebe hato`o Husi Comandante PNTL Municpio Lautèm Superintendente Policia Antonio rego Fernandes iha Serimonia ne`e hateten katak , Membro Polisia Iha Teritorio Timor Laran tomak tengki hatudu Protidaun liu husi Hala`o Knàr ho profesional hodi Servi Povo iha Tempu saida de`it .
Liu husi Deskursu ne`e Mos Comandante Geral Polisia Husu ba Membro Polisia Hotu atu sai Polisia ida nebe Forte no Fiar metin iha Promesa Social no Esperansa katak ba oin Metin liu tan ba Povu tomak iha Nasaun ida ne`e .
‘’Membro PNTL nebe hau hadomi , hau husu ba Imi tomak atu sai Polisia aida nebe mak Forte no Fiar metin iha Promesa Social no Esperansa katak ba oin sei Metin liu tan hodi servi ba Povu tomak iha Nasaun ida ne`e, no tengki hatudu Protidaun liu husi Hala`o Knàr ho profesional hodi Servi Povo iha Tempu saida de`it , Membro PNTL mos tengki Orgulho ho Uniforme nebe hatàis hodi esforsu Foar metin ba Servisu nebe adapt aba Mudansa Digno’’hateten Comandante PNTL Muniicpio Lautèm Superintendente Polisia Antonio rego Fernandes iha loron komemorasaun Aniversario PNTL nian ba dala 22 iha Kuartel Comando Polisia Municipio Lautèm Dominggo 27/03/2022.
Iha Biban ida ne`e Comando Polisia mos hakarak hateten katak , Durante Hamutuk ho Vice Ministro Interior hadia no Kria ona Kondisaun Lubuk ida , iha area Fronteira no Urbana hodi Instala ona Posto Polisia sira iha Nasaun ida ne`e .
‘’Hau mos hakarak hateten ba entidades no Ulun bo`ot Nasaun ne`e nian katak , Comando Polisia durante hamutuk ho Vice Ministro Interior hadia no Kria ona Kondisaun Lubuk ida , iha area Fronteira no Urbana hodi Instala ona Posto Polisia sira iha Nasaun ida ne`e , Melhoria hirak ne`e nudar Rejultado Operasionais , nune`e PNTL Iha papel bazico ba Manutensaun Seguransa Paz no hakmatek Pùblico hodi Garante ba Lei Konstituisaun Repùblika nian ‘’. Dehan nia.
Liu husi loron Aniversario ne`e PNTL Municipio Lautem mos hala`o actividades Inagurasaun Koperatina Polisia Comunitaria ga Coperativa POLCOM nune`e mos Distribui Sasan nececidade bazico ba Familia Kbi`it La`ek hamutuk 12 Nebe identifikado husi Policia Comunitaria iha Municipio Lautem.
Serimònia Aniversario PNTL ba dala 22 ne`e , Partisipa Husi Secretario do Estado Koperativa Timor Leste , Administrador Municipio Lautèm , Administrador Posto Administrativo 6 Iha Municipio Lautem , Membro Konselu Seguransa Municipal ga KSM , Veteranos , KRAM Municipio Lautèm , Lideres Comunitaria no Komunidades hamutuk ho Membro Policia Kuaje Rihun ida Resin.
JORNALISTA ; ACI
EDITOR ; NP
