Lospalos RCL VOX POPULY = Maske ho Ekonomia povu nebe sei hakdasak , Povu hahu iha hanoin nebe inovativu hodi hamoris Ekonomia Uma laran , ho servisu saida de`it , tamba atu sustenta Nececidade Familia no Oan sira ba Eskola , difisil wainhira laiha kriatividade durante ita moris .
Nudar Agricultor , labele garante Ema seluk nia lolo liman ou Dependente ba Estadu , maibe tengki iha hanoin inovativu ida , liu husi Atìvidade oin-oin , no tengki badinas , tamba Ema sei la Responde Problema Nececidade ema ida nian.
Agricultor ida iha Vila Lospalos Agustinu Alves ho tinan 52 , ba Jornalista RCL Segunda Feira 25/04/2022 ne`e hateten ,Kuaze tinan tolu nia laran Familia ida ne`e Infrenta difkuldade Ekonomia Uma laran nian , maibe ho hanoin nebe Inovativu , Agustinu hili dalan haki`ak Manu Broiler ho fundus rasik , to`o ikus bele fo rejultado nebe diak hodi sustenta nececidade Familia lor-loron nian.
‘’Atu hamoris ita nia Economia uma laran rasik , ita la presija tane liman ba ema , maibe iota Nai`n rasik mak tengki esforsu no hamosu hanoin inovativa hodi liu husi actividades sa`ida de`it , ba dada`un ne`e hau hili dalan ida nebe diak ba Familia nia Moris mak , Hakiak Manu Broiler , tamba hanoin ida ne`e mosu , tamba Ema hotu hakarak Konsumu Na`an Manu Imprtadu , nune`e hau hakarak hamosu ideia inovativu hodi koko buka dalan hodi hakiak , Manu broiler , tamba hanu sente katak , ho hakiak manu broiler ne`e , sei fo rendimentu nebe diak ba hau nian familia , no bele mos sustenta hau nia oan sira ba Eskola , Aktividade Haki`ak Manu Broiler ne`e kuaze la`o tinan 3 ona ‘’ Tenik Agricultor ida iha Vila Lospalos Agustinu Alves ho tinan 50 , ho oan Na`in rua ba Jornalista RCL Segunda Feira 25/04/2022 ne`e
Agricultor ho oan Na`in 3 ne`e afirma , Actividade hakiak manu Broiler ne`e inisiu hahu iha tinan 2020 to`o agora . Manu sira ne`e hatama husi Rai Atambua Indonezia , tamba hola husi fatin refere , no rendimentu ikus husi Fa`an Manu Broiler Sufisiente duni hodi sustenta Nececidade uma laran nian .
‘’ Kona ba manu broilher nia oan ne`e Eksporta husi Atambua Indonezia to`o mai iha hau nia Hakiak Manu fatin tamba hau hola husi neba , no hau haki`ak to`o kilogarama ida ou liu , hau bele Fa`an hikas ba ita nia Consumidores sira iha Lospalos vila , tamba Stok dala ida to`o Manu Broiler oan 2000 – 4000 depende ba Kapasidade fatin , mais nia keuntungan mos Lumayan karik ita badinas , tamba kada Manu Broiler ida hau fa`an ba Konsumidor sira ho folin US$.6.00 . nia afirma.
Agustinu mos Konfesa , Rendimentu ne`e la`os mai husi Manu Broiler de`it , maibe liu husi Actividade Horticultura , tamba Agricultor ne`e halo to`os no kria Kantareiru hodi Kuda Batar , Fehuk , Aifarina Aidila no Modo ho variedade oin-oin , hodi ba fa`an iha Mercadu .
, hau la`os haki`ak no Fa`an de`it Manu Broiler , maibe hau mos Fa`an Modo , Batar , Aifarina no Produtu local sira seluk , tamba hau mos iha to`os rasik , kuaze Hektares 2 ou liu , iha to`os ne`e hau Kuda Batar , Fehuk , Aifarina , aidila nune`e mos hau kria tan Kantareiru iha to`os hodi hau Kuda modo ho variedade oin-oin , nune`e hau lorin ba Mercadu hodi fa`an , nune`e liu husi ida nee hau bele sustenta Familia nia moris no Oan ba Eskola , Hau nia oan agora Nain 2 iha Bangku Estudu Secundaria no ida iha Pre Eskolar , ho ida ne`e mak hau tengke Prepara Fundus hodi dudu sira ba Eskola hodi Realiza sira nia mehi ida-idak iha futuru ”. Konfesa Agustinu.
Ida ne`e nudar Motivasaun diak ida , hodi hatudu ba Ema hotu , tamba nudar ema Servisu mak han , la`os han mak Servisu , nune`e tengki badinas halo Actividades Pojitivu saida de`it durante ita moris iha Planeta mundu nian .
Jornalista ; syda&sinta
Editor ; NP
