LOSPALOS {RCL VP- Ministerio Turizmu liu husi Gestaun merkadu no Turizmu Municipiu Lautem identifika ona potensia Turizmu iha Municipiu Lautem hamutuk 29 kompostu husi Turizmu Istoriku, Natureza no komunitario.
Director Gestaun Merkadu no Turizmu Municipiu Lautem, Domingos Dos Santos Sequeira ba Jornalista Rcl iha nia knar fatin Segunda feira ne’e hateten, husi Total Area Turizmu ida ne’e , Turizmu Istoriku maka domina iha Juridku administrativa Municipiu Lautem tuir ida ne’e Turizmu Natureza no ikus mak Turizmu komunitario.
“ Fatin turistiku ne’ebe ami investiga por volta de 29 hanesan ne’e , ita bo’ot sira hatene katak iha Municipiu Lautem Turizmu Istoriku ne’e mak Domina liu iha ita nia area, depois iha mos Turizmu Natureza , ita nia Potensia Natureza iha Municipiu Lautem ita iha parque Nasional, ita iha foho, ita iha mota, ita iha tasi ibun ne’ebe foin daduk ami regista tiha ona hamutuk turizmu istoriku, Natureza no Komunitario hamutuk por volta de 29 sitios tuirstiku ne’ebe mak hau identifika ona,” dehan Domingos Dos Santos Sequeira ba Jornalista Rcl iha nia knar fatin Segunda feira 07/02/2022 ne’e.
Nia informa, Dadus hirak ne’e entrega ona ba Nasional hodi tau ba planu atu bele Dezenvolve fatin Tuizmu sira ne’e iha Futuru.
“dadus ida ne’e hau Manda ona ba iha Diresaun Turizmu Nasional maibe parte balum hau halo aproximasaun ba ami nia Minsterio , Ministerio Estatal, liu –liu ba director geral katak ita presija hein oituan lai tamba agora dadun ne’e ministerio sei halo esforsu hodi bele resolve planu hirak ne’e,” nia Haktuir.
Entertantu : Sitio Turistico nebe identifika ona Durante , barak liu iha Posto Administrativo Lautem , Lospalos no Tutuala iha Municipio Lautem.Ito&sida
