Saturday, March 2, 2024
spot_img
HomeFoto GaleriaJoven ida Mate iha Sucu Com , Deskomfia aman mak baku mate,...

Joven ida Mate iha Sucu Com , Deskomfia aman mak baku mate, hafoin tara fali iha ai leten.

LOSPALOS RCL VOX POPULY=Komandante PNTL Munisípiu Lautém superintendente polísia António Rego fernandes ba jornalista sira tersa feira ne’e declara , Kazu Omesidu ida akontese iha Aldeia Lohomatu , Arèa Atxa lokon Sucu Com Postu Administrativu Lautèm , Municipiu Lautèm , Joven ida mate tara A`an iha aileten iha loron Sexta Feira 13/05/2022 Semana liu ba, iha tuku 4 Lokra`ik , ne`e deskomfia nia aman rasik mak Baku mate hafoin tara iha ai leten .

Komandante PNTL ne`e mos afirma , Kronolojia husi akontesimentu ne’e, akontese iha loron 13 fulan Maiu 2022, iha tuku 16 lokraik, bainhira nia aman rasik haruka nia oan naran Genius da Silva ho tinan 15 (matebian) atu harii bandeira rin , hodi hasa’e bandeira RDTL relasiona ho 20 de Maiu tinan ida ne`e , maibé matebian lakohi halo tuir nia aman DDS tinan 54 (suspeitu) haruka, nune’e matebian nia aman baku vítima too mate fatin hodi lori ba tara fali iha ai leten , hafoin dehan fali matebian mak tara-an , no Suspeitu (aman rasik) halo ona auto aprejentasaun , lori kedan ba Ministériu públiku hodi submete primeiru interrogatóriu iha Tribunal Distrital Baukau.

‘’Akontesimentu ne’e deskomfia aman rasik mak baku mate oan,  hafoin tara ba fali hodi dehan tara an ne’e, akontese iha loron 13 fulan Maiu semana kotuk iha tuku haat loraik kazu omesidu ne’e deskonfia involve direta husi aman hodi oho oan rasik, iha rai ida naran Lohomatun, Acalopon suku Com . Ita nia polísia eskuadra Lautém simu informasaun katak labarik ida tara-an iha nia knua iha parte Lohomatu nian, dia 14 liu ba ita nia investigador hamutuk ho eskuadra Lautém, too iha fatin akontesimentu , suspeitu intrega kedas nia an ba polísia, halo kedas ezaminasaun esternal, ita halo konkluzaun katak joven ne’ebé tara-an iha mós pankada balu husi nia isin lolon, entaun deskonfia nian aman rasik mak oho,” komandante PNTL Lautém ne’e informa.

Komandante ne’e Hateten, kazu ne’e ninia prosesu entrega ona ba Ministériu Públiku, no matebian tinan 15 Guenios da Costa lori kedas ba Hospital Nasionál Guido Valadares (HNGV) hodi halo autopsia, no mate isin lori fila ona no entrega ona ba nia familia hodi halo`ot tuir sira nia lisan .

‘’Agora dadaun polísia asegura mós matebian nia inan no nia amaun alin sira iha uma mahon hodi hein prosesu ba oin, deskomfia tuir motivu akontesimentu katak matebian Guenius nia aman haruka halo fatin hasa’e Bandeira ba loron 20 de Maio nian, maibé nia oan lakohi hodi halo agresaun fíziku rejulta oan  mate fatin, no Matebian konsege lori kedan ba Hospital Nasional Guidu Valadares Dili hodi Submete ba prosesu autopsia , no entrega hikas ona ba famili hodi halo`ot tuir sira nia lisan ’’ katak António Rego Fernandes.

Agora dadaun polísia asegura mós matebian nia inan no nia maun alin sira iha uma mahon hodi hein prosesu ba oin, deskomfia tuir motivu Akontesimentu katak matebian jenios nia aman haruka halo fatin hasae Bandeira ba loron 20 de Maio nian maibé nia oan lakoi hodi halo agresaun fijika hodi rejulta oan rasik mate.

Jornalista :NEC

Editor :NP

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

TRENDING.

NOTISIA FOUN.

0
Would love your thoughts, please comment.x
()
x