Sunday, July 14, 2024
spot_img
HomeFoto GaleriaRai Lorè Iha Tempu Rezistènsia A`at , Ukun A`an kontinua...

Rai Lorè Iha Tempu Rezistènsia A`at , Ukun A`an kontinua A`at ba nafatin,Tamba estrada Kontinua A,at ba bebe’ik.

Lorè RCL VOX POPULY = Povu Lorè , Kontinua Ezizi ba Governu Atu tau matan ba kondisaun estrada nebe kontinua A`at ba Bebe`ik , no Prezudika ba Povu Lorè atu halo Movimentu  ba Vila Lospalos hodi Fa`an sira nia Produtu nebe sira  , no ida ne`e Susar ba Povu atu hasa`e rendimentu Economia .

Veterana Ida Husi Suco Lorè Segundu Postu Administrativu Lorè , Municipiu Lautèm Emilia Gonsalves ba Jornalista Sira iha nia Rezidensia  Tersa Feira 05/07/2022 ne`e  hateten , Rai Lorè ne`e dala iha tempu Rezistènsia sai Baze Operasaun Militar Indonesia nian , to`o Ema Mate barak iha Prosesu Funu nia laran , maibe to`o Ukun  A`an kontinua A`at ba nafatin , tamba Kondisaun Estrada Kontinua A`at ba Bebe`ik.

Veterana ida ne`e mòs Husu ba Estadu Timor Leste , atu hare Estrada labele konsentra de`it iha capital , maibe tengki to`o iha Estrada rural , ou urbana , tamba povu iha Ukun a`an nia laran la Presiza uma luxu , maibe importante mak Estrada , sa`ude , Edukasaun .

‘’ Ami nia Estrada ne`e tamba sa`ida mak bo`ot sira sida`uk bele tau matan , ami nia rai ne`e uluk iha tempu rezistènsia , sai baze operasaun ba Militar Indonesia nian , halo ami iha ailaran mòs bo`ok A`an ladiak , no ami mòs konsege sacrifika A`an , no ami nia Maluk barak mak Mate iha ailaran ba Funu libertasaun Nasional , maibe to`o ikus Liberdade ne`e ami sente sida`uk goza ho lolos , tamba Buat hotu ami rai lore sei aproveita Estrada Obra Indonesia nian to`o agora. Relasiona ho ida ne`e , lori Veteranus sira nia lian , hau husu ba Estado ga Governu , atu hare`e Problema Estrada , tamba ho problema Estrada nebe ho kondisaun ladiak , hamosu Dezastre ba bebe`ik to`o Povu balun Mate tamba Kareta bakufila , ne`e duni hau husu dala ida tan atu hare`e kondisaun Estrada nebe liga husi Vila Lospalos ba Postu Lorè , tamba povu iha Ukun a`an nia laran la Presiza uma luxu , maibe importante mak Estrada  no Infrastrutura adekuadu.’’ Hateten Veterana Ida Husi Suco Lorè Segundu Postu Administrativu Lorè , Municipiu Lautèm Emilia Gonsalves ba Jornalista Sira iha nia Rezidensia  Tersa Feira 05/07/2022 ne`e .

Estrada nebe liga Husi Vila Lospalos to`o iha Postu Lorè , kuaze kilometru Rua nolu resin Rua, ne`e nudar Obra Indonesia nian , to`o ukun A`an ida ne`e Povu kontinua halerik ba Estrada , Povu la Presiza Uma Luxu , maibe Estrada diak , atu povu bele asesu ba mai , no liu husi Estrada mak Xàve id aba Dezenvolvimentu Economia Povu nian .

Entretantu; Kondisaun Estrada nebe A`at ba bebe`ik , Rejulta Ema na`in Ne`en Mate , kauza husi Acidente Kareta Bakufila , Nune`e Povu Ezizi ba Governu atu tau atensaun ho lala`is , tamba Povu lakohi terus tan .

 

Jornalista ; Namar

Editor ; NP

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

TRENDING.

NOTISIA FOUN.

0
Would love your thoughts, please comment.x
()
x