Lospalos RCL VOX POPULY 12/10/2022 = Nasaun Timor Leste Ukun A`an ona durante Tinan Rua nolu , Maibe Comunidade iha Aldeia Sorulu`a Suco Soru , Postu Administrativo Lospalos , Municipiu Lautèm to`o agora sei moris iha Nakukun laran , tamba , Aldeia refère sida`uk asesu Naroman Ahi Eletricidade
Xèfe Aldeia Sorulu`a Julio Fernandez da Cruz ba Jornalista RCL iha Aldeia Sorulu`a Quarta feira ne`e hateten, durante nia Mandatu , Comunidade ne`ebe nia Xèfia ne`e , Infrenta problema bo`ot kona ba Ahi Eletricidade , tamba Aldeia Sorulu`a husi Ukun A`an to`o agora , Governu sida`uk tau atensaun ba Problema ida ne`e , Nune`e Comunidade sira sida`uk goza di`ak Indepedensia Nasaun nian.
Nia mòs hateten tan , ho Problema Ahi Eletricidade ne`e , Komunidade sira iha tempu kalan Obrigado tengki uja nafatin Ahi Fafulu , no Kami`i hodi hetan Naroman , tamba laiha Roman Eletricidade to`o iha Area refere.
‘’ Durante hau nia Mandatu , Comunidade ne`ebe hau Xèfia ne`e , Infrenta problema bo`ot kona ba Ahi Eletricidade , tamba Aldeia Sorulu`a , hahu husi Ukun A`an to`o agora , Governu sida`uk tau atensaun ba Problema ida ne`e , Nune`e Comunidade sira sida`uk goza di`ak Indepedensia Nasaun nian, nasaun Timor Leste Ukun A`an ona durante Tinan Rua nolu , Maibe Comunidade iha Aldeia Sorulu`a sei kontinua Halerik ba Ahi Eletricidade no sei moris iha Nakukun laran , tamba , Aldeia refère sida`uk asesu Naroman Ahi Eletricidade , Durante ne`e Ami Uja Ahi Fafulu , no Kami`i iha hodi fo roman ba Ami iha tempu kalan , nune`e mòs susar Atu Asesu Telefone , tamba Laiha Energia Eletricidade , ho Assuntu ida ne`e hau Nùdar Lider Comunitària iha Nivel Aldeia , husu ba Ukun no Sikote Na`in sira , atu tau atensaun sèriu ba ami nia Problema ida ne`e , nune`e Ami Povu mòs sente Nasaun nia Ukun A`an.’’ Dehan Xèfe Aldeia Sorulu`a Julio Fernandez da Cruz ba Jornalista RCL iha Aldeia Sorulu`a Quarta feira 12/10/2022 ne`e .
Husu kona ba kondisaun Estrada Xèfe Aldeia ne`e hateten, Kestaun Estrada Comunidade sira la Preukupa ona , tamba Ong ILO liu husi Governo , hahu ona rehabilitasaun , ho progresso Porsentu Hitu nolu resin Lima ona , nune`e bele responde Problema Estrada iha Aldeia refere.
‘’ Kona ba Problema Estrada , hau hanoin ami la preukupa ona , tamba Ami nia Estrada ne`e hahu bo`ok ona , husi Dalan bo`ot to`o tama iha ami nia Aldeia , nune`e bele fasilita ona Movimento Transporte Pùblicu , hodi transporta Comunidade nia Produtu ba Mercado.’’ Dehan nia.
Entretanto ; Comunidade iha Aldeia Sorulu`a , to`o agora la asesu Energia Ahi Eletricidade , hodi fo Impactu ba Sistema Komunikasaun no Informasaun . tamba Comunidade iha Aldeia refere susar atu Asesu Informasaun husi Televizaun nune`e mòs telemovel.
Jornalista ; SdC
Editor ; NP
