LOSPALOS RCL VOX POPULY 01-12-2022=Polisia Nasional Timor Leste , PNTL Municipiu Lautèm , kontinua Asegura Selebrasaun Loron Natal no Tinan foun , atu loron bo`ot Rua ne`e bele selebra ho hakmatek no trankuilidade , nune`e povu tomak tengke matan moris ne`on na`in ba Estabilidade iha municipiu Lautèm.
Comandante PNTL Municipiu Lautèm , Superintendente Polisia Antoniu Rego Fernandes ba Jornalista RCL Iha nia Kna`ar fatin Quinta feira ne`e hateten , Polisia Municipiu Lautèm husi Komando Municipiu no Esquarda ne`en iha Municipiu Lautèm , prontu atu asegura situasan saida de`it mak mosu iha Loron Natal no tinan foun .
Nia ,mòs informa Parte Polisia sei hatudu sira nia Protidaun , no iha ona Planu hodi Seguransa Màximu ba loron Natal no Tinan foun ne`ebe mai , nune`e ema hotu bele selebra ho Pàz no estabilidade .
‘’Kona ba preparasaun ba Natal no Tinan foun ninian ne`ebe mai , ami Polisia Nasional Timor Leste Husi Comando Municipiu to`o ba iha Esquarda Ne`en iha Municipiu Lautèm hamutuk Na`in 147 , ne`ebe mak dada`un ne’e halo hela servisu iha Municipiu Lautèm iha Protidaun no ami mòs iha ona planu depois atu fo seguransa màximu ba Natal no Tinan foun nebe mak agora dadaun ne’e , ohin tama ona ba dia 1 de Dezembru 2022 . no ami sei koloka membru hamutuk 147 hotu kedas ba fatin hot-hotu iha Munisipio Lautèm nia laran tomak hodi bele Asegura seguransa ho diak ba Natal no Tinan foun , hodi nune`e Selebrasaun Natal no Tinan foun bele la`o ho hakmatek ‘’hateten Comandante PNTL Municipiu Lautèm , Superintendente Polisia Antoniu Rego Fernandes 01/12/2022
Entertanto: Municipiu Lautèm tenke iha esperansa hodi hamosu Pàz no estabilidade iha ita nia le`et hodi Selebra loron Natal no tinan foun , tamba lakleur tan ita tama ba semana adventu Natal , nune`e ema hotu tengke hamutuk hodi asegura Estàbilidade iha ita le`et , tamba Jejus sei mai ho domin no Salvasaun ba ema hotu .
Jornalista:sili
Editor:NP
