Lospalos RCL VOX POPULY 16/02/2023 = Embasada korea liu husi Global Civil Sharing ka GCS sei suporta fundos Ki`ik ba ONG FUNERO Munisipio Lautèm , hodi rehabilita Centru Prè – eskolar no Centru formasaun Juventude iha postu Administrativo lospalos Municipio Lautèm.
Directora Ong FUNERO Lospalos Juliana de Jejus ne`ebe jornalista RCL hasoru iha nia serviso fatin quinta feira ne`e hateten , bazea ba planu rehabilitsaun Centru Prè – Eskolar Esperansa Losplaos no Centru Formasaun Juventude nian ne`e ,ONG Funero hatama ona pedido no BOQ ba iha Global Civic Sharing atu bele halo rehabilitasaun ba centru refere.
‘’ba Tinan ida nee,Ong FUNERO Municipiu Lautèm hetan fundos ki`ik husi Embaxàda Korea liu husi Global Sivic sharing ne`ebe fò fundos kiik ba Ami nia organijasaun atu bele halo rehablitasaun ba ba centru pre – eskolar Esperansa Losplaos no centru formasaun Juventude , ami mos hatama ona pedido no BOQ ba iha Global Civic Sharing atu bele trafere osan mai , nune`e ami bele rehabilita lalais tamba centru ne`e , tanmba Fatin ida ne`e hanesan Mahon ba labarik no Juventude sira atu bele hetan matenek , liu husi Edukasaun formal no noun formal . no importante ba labarik pre eskolar sira no juventude sira nebe iha talento hodi aprende lian Ingles’’. Director Ong Funero Lospalos Municipio lautèm ba jornalista RCL iha nia serviso fatin quinta feira Nee 16/02/2023
Juliana de Jejus Mos hateten,maske rehabilitasaun ne’e ho fundus nebe ki`ik maibe NGO Funero sei esforsu nafatin atu centru refere bele hetan rehabilitasaun ,tamba centru pre-escolar no centru formasaun juventude ho kondisaun la permite ba studante no juventude sira atu hala`o sira nia actividade.
‘’maske ajudasaun orsamentu ba rehabilitasaun ida ne’e lato’o maibe ami sei esforsu hodi ejecuta ba orsamentu nebe mak Embaxada Korea liu husi Global Sivil sharing ka GCS fo ajuda ,tamba rehabilitasaun centru formasaun juventude no escola pre-escolar , ho kondisaun nebe la favoravel ba studante no juventude sira atu halao sira nia actividade liu-liu iha prosesu aprendijajen no juventude sira nebe tuir formasaun kursu lian engles nian. dehan Juliana
Entertantu: Embaxada Korea , liu husi Global Civic Sharing ga GCS Finansia Prosesu rehabilitasaun ida ne`e ho Montante Orsamento Rihun Sanolu Dolar Americano ($10.000.00) , maske ho Fundus ki`ik , maibe sei ajuda Ong FUNERO hodi bele rehabilita Centro Prè- Escola no Centro Formasaun Kursu Lian Ingles iha fatin refere .
Jornalista ; SILI
Editor ; NP
