Lospalos RCL VP Kinta 15/02/2024 = Membru Konsellu Kórdenasaun Munisipal KKM Munisípiu Lautém Kinta Feira ne`e , hala`o Sorumtu iha Salaun Administrasaun Munisípiu Lautém , hodi koalia kona ba Planu Investimentu Munisípal (PIM) ba tinan Rihun Rua , Rua nolu Resin Lima (2025) , nune`e mós Aprovasaun Lista Prioridade Programa Nasional Dezenvolvimentu Suku PNDS ba tinan ida ne`e.
Sekretáriu Autóridade Munisípal , Munisípiu Lautém Jacinto da Costa , liu husi Sorumutu ne`e hateten , Sorumutu ida ne`e atu bele hato`o Informasaun ba Strútura , Liña Ministérial iha Munisípiu Lautém , ba Preparasaun no hahu ona Rekoila Lista Nesesidade ba Projétu PIM Tinan oin mai , bazéia ba Kalendariu ne`ebe Estabelese ona.
‘’Ohin loron ,hanesan Loron Importante ba ita hotu , Ohin iha Tinan 2024 , ita hahu ita nia Preparasaun ba Tinan 2025 Nian , Tamba iha semana kotuk Administrasaun Munisipiu Lautem Delega Hau Hamutuk ho Diretór PDIM no Direktur Planementu ba Encontru iha Dili no simu orientasaun no Orden husi Nasional katak Ohin Loron ita hamutuk halo Kalendariu ba Rekoila Projétu bazeéia ba Nesesidade Komunidade , ne`ebe hahu husi Suku no Aldeia , tamba ne`e ohin loron ita hato`o Informasaun ba Estrutura hotu-hotu atu komesa ohin ita bele rekoila ona Lista Nesesidade Projétu ba PIM 2025 nian , bazéia ba Kalendáriu ne`ebe iha ona .’’ Hateten Jacinto da Costa ba Jornalista sira iha Salaun Administrasaun Munisipiu Lautem Kinta feira 15/02/2024.
Entertantu: ho Sorumutu Konsellu Kórdenasaun Munisípal KKM Iha Munisípiu Lautém ne`e , hanesan preparasaun ida ne`ebe ita halo ona ba Programa Integrádu Munisipal PIM , ne`ebe sei hahu husi Nivel Aldéia , Suku , Postu to`o iha Munisípiu , tamba ida ne`e Importante tebes.
Jornalista ; syda
Editor ; NP
