Lospalos RCL VP 08/11/2023 = Bazéa ba Kalendáriu Elisaun Lideransa Komunitáriu nian ba tinan ida ne`e katak , Xéfe Suku ne`ebe Eleitu ona iha Elisaun Suku Dáhuluk nian iha Munisípiu Lautém , tengki Hili ona nia Membru Konselu Suku liu husi Enkontru Dá-huluk iha Loron Walu Fulan Novembru ne`e, tamba Strutura Suku ne`ebe Eleitu sei hetan Tomada dé Pósse iha Loron Rua nolu resin Walu Rihun Rua , Rua nolu resin Tolu (28/11/2023).
Director STAE Munisipiu lautém Sergio Belmonte ne’ebe jornalista RCL Hasoru iha nia serviso fatin Quarta feira ne’e hateten , Loron Walu fulan Novembru Tinan ida ne’e sai loron ne`ebe define ona iha kalendriu ba Xéfe Suku Eleitu , iha Suku Sanolu resin Walu iha Munisipiu Lautém , Hahú Dirije ona enkontru dahuluk nian , hodi Eskóilla nia Membru Konselu Suku Kompostu husi , lia Na`in ,Juventude Mane no Feto iha ida-idak nia Suku.
‘’Biban ida ne`e Hau hakarak Infórma katak , Loron Quarta Féira 8/11/2023 hanesan loron ne`ebe Define ona iha Kalendariu , atu fó biban ba Xéfe Suku Eleitu iha Elisaun dáhuluk iha Suku 18 Diriji ona 1º Ekontru Ekóilla ka hili Lian nia Membru Konsellu Suku nian kompostu husi , Lia Nain , Reprezentante Juventu Mane no Feto iha ida-idak nia Suku, tamba loron Tomada dé Posse ba Estrútura Suku ne`ebe Eleitu sei realija iha loron 28/11/2023’’. Dehan Diretór STAE Munisipiu lautém Sergio Belmonte ba Jornalista RCL iha nia serviso fatin Quarta feira 08/11/2023
Sergio Belmonte mos husu ba Kandidatu Xéfe Suku ne`ebe sei Kompete iha Elisaun dárúak nian , atu Kumpri nafatin Regra ne`ebe iha , no Xéfe Suku Atúal sira tengki apoia Másimu STAE nia tékniku ne`ebe destaka iha iha kada Sentru Votasaun , nune`e Matérial sir abele aseguradu to`o loron Elisaun nian.
‘’ Hau husu ba Kandidatu Xefi Suku iha Suku 16 , ne’ebe mak sei avansa ba Elisaun Suku ba Elisaun dáruak nian atu kúmpri nafatin Regra no Norma Legál sira ne`ebe iha , no ba Xéfe Suku no Aldeia Atúal sira , tengki kontinua kopera ho tekniko STAE Nian ne’ebe deskata iha kada Sentru Votasaun , hodi bele asegura nafatin Material sira ne`ebe sei transporta iha Loron 12/11/2023 , no husu mós ba Eleitór sira atu hakbesik ba Sentru Votasaun iha Tuku 9 lolós Oras Timor Leste dadér , iha Loron 13/11/2023 , tamba hodi Ejerse Direitu Votu , tamba Votu ida sei eskoila Xéfe Suku ne`ebe iha Esperensia no Espiritu Serví nian ‘’. Apela Sergiu
Entertantu husu nafatin ba Eltores husi suku sanolu resin nen atu labele haluha hodi lori ita nia kartaun Elitoral hodi hakbesik ba Sentru votasaun ne`ebe ejisti iha Aldeia ida-idak hodi bele Ejerse Direito de votu liu husi Elisaun Suku nian.
Jornalista ; ANO
Editor ; NP
