Lospalos RCL VP 13/12/2023 = Polisia Nasional Timor Leste PNTL Munisípiu Lautém , sei kontinua halo Patroilamentu iha Munisípiu Lautém , no Sei Kaptura Ema ne`ebe halo Tarutu Fogete no Vela , iha Ámbitu Natal no Tinan Foun nian , tamba Perturba Ordén Públiku.
Komandante Polisia Munisípiu Lautém , Superintendente Polisia Antonio Rego Fernandes ba Jornalista RCL iha nia Knaàr fatin Quarta feira ne`e hateten , Lei Bandu ba Sidada`un hotu , atu halo tarutu Fogete no Vela , nune`e Parte Polisia Kontinua Aprosima ho Komunidade no halo Identifikasaun ba Loza sira ne`ebe dada`un ne`e Fa`an Hela Fogete ba Públiku.
‘’Kona ba Fogetes no Vela Sira ne`ebe dada`un ne`e tarutu ona iha Fatin-fatin , ida ne`e lei lá Autoriza ou Lei Proibidu tebes , Nune`e ami halo ona Aprosimasaun ho Komunidade no Juventude sira tomak iha Munisípiu Lautém , atu tau Kompriensaun ne`ebe diak , hodi koópera ho Parte Seguransa hodi hametin Situasaun ne`ebe hakamatek hodi Simu Na`in Jejus no hametin Páz o Estabilidade iha Tinan foun nian , Parte Polisia sei Kaptura Komunidade no Juventude sira ne`ebe kontinua halo Tarutu Fogete no Vela , no Sei fó Sangsaun liu husi Dada Fita Polisia nian Haleu Loza no Sentru Negosiu , ne`ebe kontinua fa`an Fogete ba Públiku , tamba ida ne`e hotu Perturba Situasaun ne`ebe hakmatek, nune`e husu ba Komunidade sira , Atu Natal no Tinanl foun La`o ho hakmatek , iha Pás no Estabilidade nia laran , Parte Seguransa liu husi Komandante Polisi Munisípiu Apela ba Komunidade no Juventude sira hotu iha Munisípiu Lautém , atu hamutuk hodi asegura Seguransa , tamba Seguridade ne`e iha ema ida-idak nia Liman , .’’ Dehan Komandante Polisia Munisípiu Lautém , Superintendente Polisia Antonio Rego Fernandes ba Jornalista RCL iha nia Knaàr fatin Quarta 13/12/2023.
Komando PNTL Munisípiu Lautém kontinua hametin Seguransa bazeia ba Ordém Komando Jeral , hodi Implementa iha Nivel Munisipal , atu bele asegura Situasaun iha Munisípiu Lautém atu bele hakmatek , iha Loron Natan no Tinan foun.
‘’Normalmente kada tinan Komandu Jéral PNTL , hasai Ordén ba Kada Munisípiu ida-idak , liu-liu bai ta Munisípiu Lautém atu Implementa atu bele asegura Situasaun sira , nune`e sidadaun hotu-hotu ne`ebe atu Selebra Natal no tinan foun , bele iha Pás no Estabilidade nia laran , tamba Loron bo`ot 2 ne`e Importante ba Ema hotu atu selebra ho Hakmatek .’’ Komandante PNTL hateten.
Entretantu ; Hamutuk hodi Selebra Natal iha Situasaun ne`ebe Nakonu ho Domin , tamba Loron Natal ne`e Na`I Jejus Kristu sei lori Dame ba nia Emar sira , nune`e mós hamutuk nafatin Kria Pás no Estabilidade hodi Feteja Tinan Foun ne`ebe sai hanesan Loron Refleksaun ba Moris durante tinan ida nia laran.
Jornalista ; Ever
Editor ; NP
