Lospalos RCL Vox Populy 23/08/2023 = Pessoal Saúde iha Postu Saúde (PS) Sakakota Trisula, sente la seguru , tamba laiha Pessoal Seguransa , hodi asegura Pessoal Saúde no Patrímoniu Estadu ne`ebe estabelese iha Komunidade nia le`et .
Parteira Postu Saúde Saka Kota Trisula Joséfina Soares ne’ebe jornalista RCL hasoru iha nia servisu fatin Kuarta feira ne`e Infórma , durante ne`e Komunidade Uma kain Rua mak Okupa Uma Estadu iha Ambiente Edifisiu Postu Saúde ne`ebe sira servisu ba, nune`e sira sente labele hala`o sira nia servisu ho efisiente.
Joséfina mós deklara , Moru ne`ebe Salvaguarda Edifisiu PS ne`e ho kondisau la seguru ona , tamba Komunidade rasik mak halo kuak husi Kotuk no oin , ne`eduni sira sente la seguru , situasaun ne`e sira relata ona ba parte kompetente , maibe to`o agora sida`uk bele halo Pojitivu.
‘’Ami nia Edifisiu (Postu Saúde) ne`e hamutuk ho Komunidade Uma kain 2 ne`ebe okupa Uma Estadu iha Moru haleu Ambiente PS nia laran , nune`e sira sente labele hala`o sira nia servisu ho efisiente. Moru ne`ebe Salvaguarda Edifisiu PS ne`e ho kondisau la seguru, tamba Komunidade rasik mak halo kuak husi Kotuk no oin , ne`eduni sira sente la seguru , situasaun ne`e sira relata ona ba parte kompetente , maibe to`o agora sida`uk bele halo asaun ne`ebe Pojitivu. Ne`eduni ami husu ba parte kompetente atu tau atensaun sériu ba assuntu ida ne`e , no koloka Pessoal Seguransa ida iha Postu Saúde ne`e , hodi asegura Pátrimoniu Estado ne`ebe iha , inklui Ami (Pessoal Saúde) sira bele hala`o ami nia servisu atendementu ho Efisiente.’’ Hateten Parteira Postu Saúde Saka Kota Trisula Joséfina Soares ne’ebe jornalista RCL hasoru iha nia servisu fatin Kuarta 23/08/2023.
Nia hatutan , Nia mós husu ba Komunidade sira , atu bele hamutuk hodi tau matan ba Uma Fasilidade Saúde ne`ebe Estabelese ona , tamba Fasilidade ne`ebe Estadu Estabelese , núdar Sentru Asisténsia Saúde ba Ema hotu .
‘’Iha Oportundade ida ne`e hau husu ba Komundade sira , atu Kopera ho Pessoal Saúde sira hodi hamutuk asegura Patrimóniu Estadu liu-liu Postu Saúde , atu nune`e bele Seguru nafatin , no labele Estraga Moru ne`ebe Haleu Ambiente Postu Saúde ne`e , tamba Moru ida ne`e atu salvaguarda Edifisiu PS sai seguru , hodi fó Ambiente diak ba Ami , wainhira ami hala`o atendementu hodi fó asistensia Saúde mós bele la`o ho efétivu.’’
Ho Assuntu ida ne`e , Jornalista Media ida ne`e hasoru ho Komunidade balun iha Aldeia Asalainu , ne`ebe lakoi públika sira nia Identidade hateten , sira sente Orguilu no agradese ba Estadu Timor Leste , tamba bele Estábelese Postu Saúde iha Komunidade , hodi Lori Saúde ba Povu , ne`eduni Komunidade rasik sei hamutuk hodi asegura Fasilidade ne`e.
Entrétantu;to`o Informasaun ne`e Públika , Diretór Servisu Munisípal Sa`ude (SMS) Munisípiu Lautém sida`uk hetan konfirmsaun , tamba Diretór rasik okupadu ho servisu Públiku balun.
Jornalista ; Erme
Editor;NP
