Lospalos RCL Vox Populy 23/08/2023 = Grupu Feto Hòrtikultura,iha Aldeia Txáuluturu , Suku Fuiloru , no Luarai Suku Bauro , Ne`ebe Estàbelese liu husi Suporta Saemaul Undong (SMU) Korea , husi Tinan 2016 to`o agora , kontinua hala`o Atívidade Kuda modo,hodi Susténta Ekónomia Uma laran nian .
Membru Grupu Féto Txáuluturu ne`ebe hanaran Foeo`o , Elizíta Gonzaga iha Sentru Dezenvolvimentu Agrikultura Txáulutur Qurta ne`e Informa , Atívidade ne`ebe Grupu Feto ho total Ema na`in 12 Ne`e halo mak , Kria Kantareiru Modo nian , Hakíak Ikan , Fahi no Karau durante tinan Hitu (7) hahu husi 2016 – 2023 agora.
Nia Afirma , Atívidade hirak ne`e hotu , Grupu refere hetan asisténsia tékniku no Finanseiru husi Saemaul Undong Korea nian , husi inisiu to`o agora ho rejultadu ne`ebe siknifikativu , tamba husi sira nia servisu ne`e , bele hasa`e sira nia Rendimentu Ekónomia liu husi Fa`an Produtu ne`ebe sira rasik pródus.
‘’Durante ne`e ami hala`o atívidade iha área Pequaria , Péska no Hortikultura, Iha área Pequaria nian , ami Hakíak Karau no Fahi , iha área Péska nia ami hakíak Ikan Nila , iha Hortikultura nian ami halo Kantáreiru hodi kuda Modo , no rejultadu husi ami nia Servisu ne`e , ami konsege Rai ami nia Osan balun iha Grupu Cash , no balun Membru Grupu ida – idak bele simu hodi hadia Ekónomia nian . Tamba Atídade ida ne`e hotu hola parte ba Dezenvolvimentu Ekónomia Familia nian , Ami Produtu Modo ne`e ami Fa`an ba negosiante ki`ik sira iha Merkadu ho folin kada kantareiru $20-30.00 , no kada kantareiru ida Ami hatama $1.00 ba Cash Grupu nian , nune`e hahu husi Inisiu to`o agora ami konsege rai ami nia Osan hamutuk $2000.00 liu , no husi Osan ida ne`e Membru grupu bele Kréditu no nia Funan sei kontinua rai iha Cash Grupu nian.’’ Afirma Membru Grupu Féto Txáuluturu ne`ebe hanaran Foeo`o , Elizíta Gonzaga iha Sentru Dezenvolvimentu Agrikultura Txáulutur Qurta 23/08/2023.
Iha Fatin seluk , Grupu Feto Hortikultura iha Aldeia Luarai , Suku Bauro , Postu Lospalos Felisidade dias Quintas hateten , Membru grupu Feto ida ne`e estabelese husi Saemaul Undong (SMU) liu husi atívidade Kuda modo ho variedade Oin-oin .
‘’Ami nia Grupu ne`e Estábelese bajea ba Suportasaun husi Saemaul Undong (SMU) Korea nian , Atívidade ne`ebe ami halo mak , Kuda modo ho Variedade Oin-oin (Kanku,Repoilu,Mustarda , Tomate , Bayam , Alfase , Aimanas ) no sira seluk. Liu husi ami nia atívidade ne`e , bele ajuda fó osan ba ami , atua mi bele sustenta ami nia moris , liu-liu sustenta Oan sir aba Eskola . Ami nia Medida Plantasaun kuaje Hektar Ida , no ida ne`e sai hanesan Fatin Atividade permanente ba sira nia Grupu ho total Feto Na`in 20. Ami nia eAtividade ne`e iha 2 , Alende ami kuda Modo iha tempu bailoron , ami mós kuda tan Batar iha tempu Udan , tamba Wainhira Udan Mai , ita labele Kuda ona Modo , ami nia Atividade ne`e iha nafatin Sustenabilidade .’’ Dehan Felisidade dias Quintas iha Aldeia Luarai.
Entretantu; Nasaun Korea liu husi Saemaul Undong (SMU) bele ajuda Komunidade sira , liu-liu Inan feton sira ne`ebe iha interese atu Dezenvolve Setór Agrikultura , hodi hamoris Ekonomia uma laran.
Jornalista ; Erme
Editor ; NP
