Loré RCL Vox Populy 11/09/2023 = Administradór Postu Administrativu Loré Deklara katak , Kandidatu ba Xéfe no Konselu Suku ba Periodu Tinan Hitu , ba dada`un ne`e iha Ona , maibe to`o agora Parte Administrasaun Postu Loré sida`uk hetan Lista Ofisial , tamba Loron ba Kandidatura hafoin hala`o iha Outubru 2023 , nune`e Administrasaun Postu Loré sei kontinua hein.
Administradór Postu Administrativu Loré , Munisípiu Lautém Carolinu da Silva ne’ebe jornalista RCL hasoru iha Séde Aldeia Txái Segunda feira ne’e hateten , Bazeia ba Lei Numeru Sia Tinan Rihu Rua Sanolu resin Ne`en (Nú 9/2016) katak , Elisaun Lideransa Komunitária sei realija kada tinan Hitu , ne`e duni , Administrador postu no Lider komunitario iha postu Loré fahe ona informasaun ba Loré oan sira atu prepara sira nia An hodi rejisto no kandidata ba Elisaun suku ba Tinan ida ne`e.
‘’Ita hotu hatene katak iha loron 28/10/2023 ne’e , Ita hotu sei Infrénta Elisaun Lideransa Komunitáriui ha Nivél Suku no Aldeia, Nune`e Ami Autoridade Postu , Suku no Aldeia fazedamente , Ami fahe ona informasaun ba komunidade Loré oan sira, atu prepara sira nia Án ba Prosesu Kandidatura hodi bele compete iha Elisaun Lideransa Komunitária , liu husi Meja Asembléia ne`ebe sei Estábelese iha Nivél Aldeia no Suku bazea ba Kritéria ne`ebe iha ,nakloke ba ema hotu , tantu Feto no Mane sira ne’ebe mak hakarak iha vontade hodi servi ba povu no nia suku maibe tenki prense rekejitos sira ne’ebe mak iha , tamba liu husi ida ne`e maki ta bele hatudu Demokrasia ho lolos no Justu , nune`e hau husu ba Komunidade tomak , ne`ebe iha Interese Atu Serví Povu iha Nivél Suku no Aldeia , tengki hatudu Espiritu no Vontade diak , hodi Kandidata Imi nia Án hodi bele Kompete iha Elisaun Lidernasa Suku nian , tamba Elisaun Suku ne`e ita bazéia ba Lei Númeru 9/2016 no sei la muda , tamba ho lei ida ne`e mak ita uja hodi realija ona Eisaun Suku iha Tinan 7 liu ba , no lei ne`e la haré ba Kor,Rasa maibe Komún , hodi hatudu ita nia Espiritu hodi Servi Rai no Povu husi Aldeia , Suku , Postu tantu to`o ba Nasional , Ukun Povu La`os Oportunidade maibe hatudu Responsabilidade ba Prosesu Dezenvolvimentu ba Povu no Rai ida ne`e’’.dehan Administradór Postu Administrativu Loré , Munisípiu Lautém Carolinu da Silva ba jornalista RCL iha sede Aldeia Chai Segunda feira 11/09/2023.
APA Loré ne’e mos hateten , tuir Informasaun husi Komunidade sira katak , Suku rua ne`e iha ona Kandidatu , tantu Xéfe Aldeia , Delegadu no Delegada to`o iha Xéfe Suku , maibe to`o agora Parte Administrasaun Postu Loré sida`uk hetan karta kona ba Lista Ofisial husi Fontes relevante .
‘’Ami rona ona Informasaun husi Komunidade sira katak , dada`un ne`e iha Ona Kandidatu ne`ebe mak sei Kompete iha Elisaun Lideransa Komunitáriu nian , maibe to`o agora , Ami parte Administrasaun sida`uk hetan Karta Ofisial ida , kona ba Lista Kandidatura ne`e , Maibe ami hein nafatin to`o loron 13/10/2023 atu estabelese Meja Asembleia Nivel Aldeia nian , no loron 28/10/2023 ba Estabelesimentu Meja Asembleia Nivel Suku nian , husi ne`e mak ita foin hatene lolos , kandidatura sira ne`ebe Priénse Rekejitu hodi compete iha Elisaun Suku nian , mais ba dada`un ne`e Maske Kandidatura iha Ona mais sei Subar hela iha Komunidade nia Le`et , hein to`o loron ne`ebe determina ona husi Governu liu husi Ministériu Administrasaun Estatal.’’.hateten Carolino da silva
Entertantu; ho Préparasaun Elisaun ne`e , parte Orgão Elitoral , hahu namanas hodi hala`o Edukasaun Sivika , no Prepara ona Ofisial Supervijaun sira , hodi bele Konsensialija no Supervijaun Prosesu tomak ba Elisaun Lideransa Suku nian.
Jornalista ; Linda
Editor ; NP
