Lospalos RCL VP 08/11/2023 = Kandidatu Xéfe Suku , iha Suku Sanolu resin Ne`en (16) , iha Munisípiu Lautém mak sei avansa ba Elisaun Suku ba Dá-Rúak nian ,ne’ebe sei Akontese iha loron Sanolu Resin Tolu fulan novembru Tinan Rihun rua rua nolu resin tolu (13-11-2023) , Ekuantu Suku Sanolu resin Walu (18) sira Seluk , lá Kompete tán , tamba hirak ne`e , Kandidatu sira Eleitu ona iha Elisaun Dáhuluk.
Diretór Sekretáriadu Tékniku Administrasaun Elitorál (STAE) Munisipiu lautém Sergio Belmonte ba Jornalista RCL iha nia Knaár fatin Quarta feira ne`e hateten , Munisípiu Lautém iha Tolu nolu resin Haát (34) maibe Suku Sanolu resin Neén De`it mak sei avansa ba Elisaun Suku Darúak nian , kompostu husi , Postu Loré iha suku Rua (2) ,Postu Luro iha Suku Rua (2), Postu Lautém iha suku Neén (6) ,Postu Lospalos iha Suku Lima (5) no Postu Tutuala iha Suku Ida (1) , Total Sentru Votasaun Walu nolu (80) mak sai fatin ba Povu hodi Ejerse sira nia Direitu de Votu.
‘’ Munisípiu Lautém iha 34 , maibe Suku 16 mak sei avansa ba Elisaun Suku Darúak nian , kompostu husi , Postu Loré iha suku 2 ,Postu Luro iha Suku 2, Postu Lautém iha suku 6 ,Postu Lospalos iha Suku 5 no Postu Tutuala iha Suku 1 , nune`e Parte STAE sei Estabelese de`it Sentru Votasaun Hamutuk 80 iha Aldeia 80 , mak sai fatin ba Povu hodi Ejerse sira nia Direitu de Votu iliu husi Elisaun Suku ba dá Rúak iha Munisípiu Lautém ne`e sei akontese iha Loron Segunda 13 / 11 / 2023.’’ Infórma Diretór STAE Munisipiu lautém Sergio Belmonte ba Jornalista RCL iha nia Knaár fatin Quarta 08/11/2023 ne`e.
Sergio mos hateten , Parte STAE Hala`o ona Preparasaun ba Parte Lojistika no tama ona ba Prosesu Pakotementu Material Sensitivu no la Sensetivu , hodi koresponde ba Elisaun Suku ba Dárúak iha Munisípiu Lautém.
‘’Hau hanoin Faze ida ne’ebe mak agora dadaun Ita halo ne’e ,hanesan faze Preparasaun ba Parte Lojistika no tama ona ba Prosesu Pakotementu Material Sensitivu no la Sensetivu , hodi koresponde ba Elisaun Suku ba Dárúak iha Munisípiu Lautém , kona ba Prosesu Imprimi Buletin de Votu , sei konklui iha Nasional , no sei transporta mai hodi Uja ba Elisaun Suku , ita sei halo Faze Pakotementu to`o loron Sabado , no Dominggu loron 12/11/2023 sei halo prosesu Distribuisaun ba Materia sira ne`e to`o iha Sentru Votasaun ida-idak ne`ebe ita iha.’’ Hateten Sergiu.
Entertantu; Maske loron Sanolu resin Rua , hanesan loron Masakré Santa Krús nian , maibe Distribuisaun kontinua la`o iha loron ida ne`e , hafoin Distribuisaun hotu mak , Autoridade sira bele hola parte iha Serimonia loron Masakré Santa Krús nian .
Jornalista ; Linda
Editor ; NP
