Lospalos RCL VP 13/12/2023=Ministériu Edukasaun Juventude Desportu Liu husi Gabinete Apoiu Juridiku Quarta feira ne’e hala’o Workshop konaba Divulgasaun pakote Legislativu ba Kórdenador no Diretór Ensinu Baziku sira,iha salaun Edukasaun Munisipio Lautém .
Diretór Edukasaun Munisipal Munisipiu Lautém Rui Manuel Miranda Branco iha Abertura Workshop ne`e hateten, Workshop ne`e importante tebes ba Manorin , Kórdenador no Diretór Eskola sira ne’ebe mak pertense iha Munisipiu lautém , atu oinsa bele implementa servisu tuir kurikulum Eduksaun nian.
Diretor ne’e mós hateten , Manorin,Kórdinador Filial no kada Diretor sira labele halo inskrisaun ba estudante sira tuir nia hakarak , maibe tenki tuir sirkular Edukasaun nian , no labele halo Kobransa Osan husi inan- aman Alunus , hodi sosa Farda eskola nian , maibe inan – aman mak tenki sosa mak foin labarik sira bele uja hodi tuir prosesu Aprendijajem.
‘’ Hau hanoin Worshop ida ne’e importante tenbes ba Manorin ,Córdinador no Directores ba kada Eskola sira ne’ebe mak Pertense iha Munisipiu lautém , atu oinsa bele implemta serviso tuir kurikulum Edukasaun nian , ho nune’e hau husu ba Manorin,Kórdinador Filial no kada Director Eskola sira labele halo Inskrisaun ba Estudante sira tuir nia hakarak , maibe tenki tuir Sirkular Edukasaun nian no labele Kobra Osan husi Inan- Aman sira hodi sosa Farda Eskola nian , maibe Kona ba Fardamentu Inan aman rasik mak sei Sosa Hafoin nia Oan sir abele Uja ba Eskola , hodi tuir prosesu Aprendijajem ho diak.’’ Dehan Rui Manuel Miranda Branco iha Abertura Workshop ne`ebe hala`o iha salaun Edukasaun Munisipiu lautém qunita feira 13/12/2023.
Iha fatin hanesan Gabinete Apoiu Juridiku Assesor Edukasaun Marselino da Costa mos hateten, Sistema Edukasaun ne’ebe aplika iha Nasaun Timor leste , barak mak iha failansu, tamba failansu ne’e la’os mai husi Inan Aman, Manorin no Diretór sira , maibe failansu ne’e mai husi Estadu, tamba la tau osan ba edukasaun hodi hadia eskola sira nebe’e mak durante ne’e la favoravel.
‘’ Sistema Edukasaun ne’ebe Aplika iha Nasaun Timor leste ne’e barak mak iha failansu tamba failansu ne’e laos mai husi Inan Aman ,Manorin no Diretór sira maibe , failansu ne’e mai husi Estado , tamba Estado la tau osan ba edukasaun hodi hadia eskola sira nebe’e mak durante ne’e la favoravel ba labarik estudante sira , ho nune’e nudar Gerasaun foun Lautém nian ,Hau tenki servisu hamutuk ho ekipa sira, hodi serviso hamutuk ho parseiro Dezenvolvimentu , hodi bele Elabora hamutuk lei ida nun’e bele proteje Diretiva Manorin sira hodi bele hetan kontribuisaun maske ho Oituan.’’Hateten Marselino da Costa
Entertantu ;Workrshop ne’e la’o ho diak , tamba hetan partisipasaun masimo husi kórdinador filial no Diretór husi eskola ensino bajiko Central iha Munisipio Lautém no sei La’o durante loron Tolu huhu husi Tersa feira to’o Qunita feira semana ne’e.
Jornalista : Erme
Editor : NP
