Saturday, March 2, 2024
spot_img
HomeFoto GaleriaKomunidade Kakavei Fulan 2 ona la hetan Atendementu Saúde ih PS Kakakvei

Komunidade Kakavei Fulan 2 ona la hetan Atendementu Saúde ih PS Kakakvei

Kakavei Lospalos RCL VP Kuarta 07/02/2024 = Xéfe Suku Kakavei , Postu Administrativu Lospalos , Munisípiu Lautém Mario dias Quintas Quarta Feira ne`e Infórma , Durante Fulan Rua (2) Ona Atendementu Saúde iha Postu Saúde (PS) Kakavei Paradu , tamba Pessoal Saúde la halo Atendementu iha Suk refere .

Xéfe Suku ne`e mós argumenta, Atendementu Saúde Paradu ona , tamba laiha Pesoal Saúde ne`ebe hala`o Knaár iha Suku refere , tamba Ministériu Saúde Hapara ona nia Kontratu , Nune`e Komunidade sira tengki halai ba Sentru Saúde Lospalos , hafoin hetan Tratamentu.

’Iha Hau nia Suku , Komunidade sira durante Fulan 2 ona lahetan ona Atendementu Saúde iha Postu Saúde (PS) ne`ebe Estábelese ona iha Suku Refere , tamba Pessoal Saúde ne`ebe hala`o nia Knaár iha ne`e la hala`o ona nia Servisu , ho rajaun Kontratu Remata ona , Nune`e Komunidade sira Difisil atu hetan Tratamentu Saúde iha nia Postu Rasik , Durante ne`e Fulan 2 nia laran , Komunidade wainhira atu Hetan Tratamentu Saúde , Obrigado tengki halai ba Sentru Saúde Lospalos kuaje Kilometru 12 hanesan ne`e , ida ne`e Prejudika tebes ba Komunidade sira nia Saúde. Nune`e Núdar Autoridade Másimu iha Suku Kakavei , Hau husu ba Ministériu Saúde , atu bele haré ho Sériu Asuntu ida ne`e , Nune`e Ita nia Komunidade sira bele Hetan Tratamentu Saúde iha nia Suku rasik , tamba Postu Saúde Estábelese ona iha ne`e .’’  Deklara Xéfe Suku Kakavei Mario Dias Quintas ba Jornalista RCL Quarta Feira 07-02-2024.

Hatán ba Kestaun ida ne`e , Diretór Servisu Munisípal Saúde (SMS) Munisípiu Lautém Anatasiu da Crús hateten , Pesoal Saúde ne`ebe Koloka iha Postu Saúde Kakavei ne`e iha Ema na`in 2 Maibe ida ho Kondisaun lá Admite no Ida seluk Kontratadu , maibe tamba Orientasaun Ministériu Saúde sidaúk Klaru , nune`e Pessoal Saúde Kontratadu sida`uk bele hala`o nia knar iha Postu Saúde Refere.

‘’Lolos ne`e Pessoal Saúde Kontaratadu ne`ebe haknaár  An iha Postu Saúde ne`e la`os Fulan 2 Maibe Fulan 1 Loron 7 , Hahu Husi Loron 31 Dezembru Hapara ona Sira nia Kontratu to`o  agora , Pessoal Saúde Kontratadu ne`e lolos hakarak kontinua fó Asistensia Saúde ba Komunidade sira iha PS Kakavei , maibe tamba Orientasaun Ministériu Saúde sida`uk Klaru , nune`e , Ami iha Munisípiu sida`uk bele autorija Servisu hodi halo atendementu Saúde ba Komunidade , Orsida ita autorija sé mak Responsabilija nia Salariu Mensal ne`e , Ami iha ne`e Dilematis ho Orientasaun Ministériu nian ne`ebe sida`uk klaru , nune`e ita hotu hein Orientasaun husi Ministériu rasik ho lolos , hafoin it abele Haruka Ema servisu , atu nune`e labele hamosu  Dezentendimentu Pessoal iha loron ikus , Pesoal Saúde ne`ebe Koloka iha Postu Saúde Kakavei ne`e iha Ema na`in 2 Maibe ida ho Kondisaun lá Admite , nune`e nia labele halo atendementu rútina iha Postu Saúde .’’ Hateten Anatasiu .  cc

Entretantu; ho Orientasaun Ministériu Saúde nian ba Pessoal Saúde Kontratadu sira ne`e , sidaúk Klaru , halo Komunidade mak sai Vitima , Nune`e Ministériu Saúde tengki Tau Atensaun ba Asuntu ida ne`e , atu nune`e Komunidade sira bele Kontinua Asesu Saúde iha nia Suku Rasik , nune`e bele Koresponde Hakbesik Saúde ba Komunidade sira.

 

Jornalista ; SdC

Editor ; NP

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

TRENDING.

NOTISIA FOUN.

0
Would love your thoughts, please comment.x
()
x