Lospalos rcl vp 04 -12-2024 Assosiaun Futebol Munisípiu Lautém, hamutuk ho komunidade sira no Veterano/a iha Suku Muapitine realiza Jogu Futebol Sub-20 ba Taxa Rotativa, hodi selebra loron Masakre Muapitine ba dala 41 ba Epoka daruak nian, ne’ebé abertura husi Prezidente Autoridade Munisipál Lautém hamutuk ho Diretór Jeral Ministériu Juventude Desportu Arte no Kultura, ne’ebé hala’o iha Kampu 28 Novembru Lospalos.
Iha intervensaun, Prezidente Autoridade Munisipál Lautém, Melio De Jesus hateten, objetivu atu hanoin hikas fila fali akontesimentu iha Suku Muapitine nian, ne’ebé maka tinan 41 liu ba, ne’ebé maka saudozu hamutuk na’in 5 lakon vida tamba nia espíritu nasionalizmu no patriotizmu ba rai ida ne’e.
‘’ ita hotu ohin lokraik mai iha fatin ida ne’e, atu abertura ba taxa rotativamente hodi selebra loron Masakre Muapitine ba dala 41 ne’ebé saudozu sira hamutuk na’in 5 lakon vida tamba nia espíritu nasionalizmu no patriotizmu ba rai ida ne’e nian no ba liberdade, hodi ida bele inspira alin sira ne’ebé mak foin sa’e sira iha área desportu liuliu ba iha futeból nian, atu nune’e saudozu sira nia Espiritu iha nafatin ho ita boot sira hodi hala’o atividade desportu nian no husu nafatin ba Glubu sira ne’ebé maka envolve an iha taxa rotativa ida ne’e, atu joga tenke hatudu hahalok ne’ebé maka di’ak, durante prosesu jogu ida ne’e to’o remata’’
Prezidente mos hateten tan kompetisaun ida ne’e la’os atu hadau prémiu no taxa, maibé jogu ida ne’e ,hodi hanoin hikas fila fali ba ita-nia saudozu sira nia loron,no fó omenajen ba sira nia sofrimentu no memória ne’ebé maka saudozu sira fó vida tomak ba rai ida ne’e.
‘’ husu nafatin ba Glubu sira ne’ebé maka envolve an iha taxa rotativa ida ne’e, atu joga tenke hatudu hahalok ne’ebé maka di’ak, durante prosesu jogu ida ne’e to’o remata tamba liu husi jogus desportiva ida ne’e, atu prepara joven foin sa’e sira, atu nune’e bele promove fini Munisípiu Lautém nian, hodi bele kompete iha nivel rejiaun no iha nasionál no aleinde ne’e mós Glubu hamutuk 12 hodi halo kompetisaun’’
Jornalista;Nisy
Editor;EL
