Maulo`o Rasa RCL Vox Populy 01/09/2023 = Konstrusaun Sede Aldeia Maulo`o Suku Rasa, Postu Administrátivu Lospalos Munisípiu Lautém , ne`ebe Finansia husi Mornington Penisula husi Australia ne`ebe hahu iha Tinan Rihun Rua , Rua nolu resin Ida , ho Medida Sanolu resin Lima Vezes Ne`en ho osamento dolar Amerikanu Rihun Lima ($5000.00) , Séxta feira ne`e Inagura ona husi Autoridade Munisípiu Lautém no Equipa Moningtong Penisula Australia .
Xéfe Suku Rasa Armindo Benezato , liu husi Serimonia inagurasaun ne`e hateten , nia parte Lorin Komunidade Suku Rasa , liu-liu Aldeia Maulo`o , agradese ba Agensia Mornington Penisula , Amigo Australia ba Lospalos , tamba ho sira nia Esfórsu bele Tulun Prosesu Konstrusaun husi Inisiu to`o ba iha Inagurasaun nian .
Aman ba Suku Rasa ne`e mós , husu nafatin ba Moningtong Penisula , atu kontinua Suporta tamba , Suku Refere sei falta buat barak liu-liu Atívidade Juventude nian , hanesan Kampu Basketbol no Volibol.
‘’Prosesu Konstrusaun Sede Aldeia Maulo`o ne`e realija tamba , durante tempu naruk Edifisiu ba Aldeia Maulo`o laiha , maske iha tempu Indonesia nian iha ona , maibe ho kondisaun Át , ne`eduni Hau , hamutuk ho Konselu Suku , halo pedidu ba Monington Penisula , maibe konsege realija duni . Konstrusaun ne`e Sede Aldeia ho Medida 15×6 M ho alokasaun Orsamentu $5000.00, no konstrusaun ne`e rasik ami halo iha Tinan 2021 no Remata iha Tinan 2022, maibe tamba Pandémia Covid-19 ne`ebe afeta , Kolega sira husi Monington Penisula la bele mai , ne`eduni hafoin Inagura iha Loron 1/09/2023 ne`e . Hau Lorin Komunidade Suku Rasa, liu-liu Aldeia Maulo`o , agradese ba Agensia Mornington Penisula , Amigo Australia ba Lospalos , tamba ho sira nia Esfórsu bele Tulun Prosesu Konstrusaun husi Inisiu to`o ba iha Inagurasaun nian , Hau husu nafatin ba Moningtong Penisula , atu kontinua Suporta tamba , Suku Refere sei falta buat barak liu-liu Atívidade Juventude nian , hanesan Kampu Basketbol no Volibol.’’ Hateten Xéfe Suku Rasa Armindo Benezato , liu husi Serimonia inagurasaun Sede Aldeia Maulo`o Suku Rasa Sexta 01/09/2023
Iha Fatin Hanesan Administrador Postu Administrativu Lospalos Dinis dos Santos Marques hateten , Hanesan Autoridade Postu Lospalos nian , Orguilhu no Agradese ba Amigo Lospalos ne`ebe iha Australia nian , tamba bele Ajuda ona Fundus ba Konstrusaun Sede Aldeia Maulo`o ida ne`e , Espera ita nia Koperasaun sei nafatin iha Kontinusaun.
Ohin Momentu ida ne`ebe nakonu ho Istória , tamba Komunidade Aldeia Maulo`o marka Istória ida iha epoka ida ne`e , tamba maske ho Servisu Voluntariu maibe bele tau Pasensia hodi halo Dezenvolvimentu iha sira nia Aldeia rasik , ne`e duni Hanesan Autoridade Lokal iha Nivel Postu Administrativu , Orguilhu ho Suportasaun Maluk sira husi Monington Penisula Australia nian , tamba ho sira nia Koperasaun ho Governu Lokal Munisípiu Lautém durante ne`e bele Konstrui ona Sede Aldeia , ne`ebe sai Edifisiu Permanente ba Xéfe Aldeia , hodi bele utilija ba fatin Enkontru Komunitaria no atende Komunidade sira , iha Okajiaun ida ne`e mós hau husu Disponibilidade hodi bele kontinua Koperasaun iha future oin mai.’’ Dehan Dinis dos Santos Marques.
Préjidente Monington Penisula Australia Colleen Hammond hateten , nia parte Sente Kontenti , tamba Komunidade sira berle hamutuk hodi Implementa Projétu ne`e ho diak no kualidade , maske Orsamentu Ki`ik .
‘’ Hau sente haksolok , tamba Komunidade sira bele halo Serimonia Resepsaun ho Trádisionalmente ba Ami (Equipa Moningtong Penisula) , hau Orguilho ho Servisu tomak ne`ebe Xéfe Suku , hamutuk ho Komisaun Amigu Australia iha Munisípiu Lautém , tamba ho Kórdenasaun diak , bele realija Projétu Konstrusaun Sede Aldeia ne`e , ho Kualidade maske ho Orsamentu ne`ebe ki`ik , ne`eduni ba Oin ita bele servisu hamutuk nafatin , ami mos Buka Doador iha Australia , hodi kontinua ajuda Munisípiu Lautém , liu-liu iha Postu Administrátivu Lospalos.’’ Dehan Colleen Hammond.
Diretór Gestão Mercado no Turismu Dominggus Sequeira, ne’ebe reprejenta Administrador Munisipiu Lautem iha Eventu ne`e , Agradese ba Monington Penisula, Tamba Liu husi Sira Nia tulun bo`ot ba Povu Lautem , liu-liu Aldeia Maulo`o Suku Rasa nian , tamba sira nia tulun , Sede Aldeia Maulo`o bele Inagura loron ohin.
‘’Hau Lori Administrador Munisípiu Lautém nian katak , Autoridade Munisípiu Lautém Agradese ba Tulun tomak , husi ita nia Parseiru Dezenvolvimentu hanesan Monington Pensula husi Australia nian , tamba durante tinan barak sira Projeta sira nia Esfórsu mai iha Munisípiu Lautém hodi halo Atívidade barak ne`ebe nia Benefisiu bo`o tba Povu Lautém , inklui Aldeia Maulo`o Suku Rasa nian , tamba liu husi sira nia tulun , Komunidade Aldeia Maulo`o bele Konstrui rasik sira nia Sede Aldeia , la`os ida ne`e de`it Projétu barak mak hala`o ona iha Munisípiu Lautém husi 2005 to`o agora , Espera bele kontinua hametin Koperasaun ho Munisípiu Lautém.’’ Hateten Diretór Gestão Mercado no Turismu Dominggus Sequeira, ne’ebe reprejenta Administrador Munisipiu Lautem
Entretanto; Kóperasaun Monington Penisula Amigu Lospalos husi Australia , hahu sira nia Suporta liu husi , Projétu ki`ik sira iha Munisípiu Laurtém iha tinan Rihun Rua Lima to`o Agora , no sei kontinua hametin koperasaun no Parseiru servisu iha Area Dejenvolvimentu Komunitàriu .
Jornalista ; ACI
Editor ; NP
