RCL VP NEWS 16/06/2021
Komunidade iha Suco Leuro , Posto Administrativo Lospalos , Municipio Lautem , Tersa Feira 15/06/2021 ne`e Simu Ona Vavsinasaun Astrazeneka , tamba ho Vasinasaun mak Alternativa Ikus hodi Controla Covid-19 .
Mediko Geral Posto Sa`ude Leuro Posto Administarativo Lospalos Munisipio Lautem Geremias de Varela Belo, Nebe jornalista RCL hasoru iha Lasamento Vasinasaun Tersa feira semana ne’e hateten katak , Total Comunidade nebe Registrado ona iha Suco Leuro hamutuk Walu Nolu Resin Tolu (83) no Hirak ne`e hetan hotu ona Vasinasaun ba Primeira Doze nian .
Geremias de Varela mos hateten katak , Programa Vasinasaun iha Suco Leuro ne`e sei la`o durante loron Hat iha Aldeia Hat nia Laran , maibe antes ne`e Equipa Saude hala`o uluk Advokasia ba ba Komunidade sira kona ba Importansia Husi Vasinasaun ida ne`e.
Nudar Medico Geral iha Postu Sa`ude Leuro nian Geremias Varela husu ba Comunidade sira atu bele partisipa iha Vasinasaun , tamba ho Vasinasaun mak , ita hotu bele hasa`e Imunidade hodi hasoru Covid-19 , no Vasinasaun mos nudar Meios Prevensaun Covid-19 .
Entertanto: Komunidade Sira Sente Orguilho ho Vasinasaun ida ne`e , tamba ho Vasinasaun mak sira bele Prevene a`an husi Moras Covid-19 , no Vasinasaun mak bele hasa`e sira nia imunidade hodi hasoru Covid-19.
Jornalista ; Sinta da costa
Editor ;Nascimento Provincial
