Loré RCL VP 06/11/2023 = Administradór Postu Administrativu Loré , Munisipiu Lautém Carolino da Silva Segunda féira ne`e Infórma , Ejekusaun Orsamentu Programa Mão dé Obra (PMOPA) Sigla Portugues ba Postu Administrativu Loré ba dadaun ne`e atinji ona Porsentu Lima nolu (%50) no sei kontinua iha terenu to`o remata. Iha Novembru nia Rohan.
APA Loré ne`e mós hateten , Total Orsamentu husi Munisípiu aloka ba Postu Administrativu Loré ne`e ho montante rihun Atus Ida Dolar Americanu , PMOPA Faze Primeiru ho Montante Rihun Lima Nolu , konklui ona iha Setembru , no ba dada`un ne`e ba Faze da Rúak nian ho Montante ne`ebe hanesan , maibe ba Faze dá Rúak ne`e , Postu Administrativu Loré atinji ona Porsentu Hitu nolu , hó Grupu Komunitário hamutuk Grupu Rua Nolu , mak Implementa Programa ida ne`e.
‘’PMOPA iha Postu ida ne`e la tuir duni mata dalan ne`ebe iha , ho nia Orsamentu hamutuk $100.000.00 maibe aloka faze pór Faze , ne`eduni ita iha Postu Loré konklui ona PMOPA faze Primeiru iha Fulan Setembru no ida ne`e ba faze dá Rúak nian , PMOPA Ne`e fó Importansia ba Komunidade , ne`eduni ita envólve Grupu Komunitáriu hamutuk 20 , no grupu hirak ne`e sira servisu ba Hamos dalan , Ateru Estrada , Kuda Ai oan no halo Estrada husi Sub Aldeia Kapaleti Aldeia Nuhalata Suku Loré Segundu nian to`o iha area Nuhalata , nune`e bele hafasil Komunidade sira , atu bele transporta Produtu Lokal ne`ebe iha ba Merkadu , Grupu balun halo protesaun ba Ai oan ne`ebe sira kuda ona iha Faze Primeeiru nian , balun hamos Aredor Edifisiu Administrasaun Postu Foun , atu uja ba Serimonia loron Nasional no kampu Multifungsaun , no Atividade PMOPA ba Faze Segundu nian , sei konklui no Submete relatoriu iha Fulan Dezembru 2023 , dada`un ne`e Grupu ne`ebe iha kontinua hala`o sira nia servisu , Balun hela loron 5 kompleta durasaun servisu no balun foin mak la`o.’’ Dehan APA Loré Carolinu da Silva ba RCL iha Administrasaun Postu Loré Segunda 06/11/2023.
Entretantu;PMOPA hanesan Programa ne`ebe Hasa`e Rendimentu Ekonomia Povu nian , no Espera Programa ida ne`e sei kontinuasaun , Programa ida ne`e bele fó Servisu ba Komunidade sira ne`ebe laiha rendimentu Ekonomika , tamba kada Ema sei hetan Dolar amerikanu Lima ($5.00) durante loron Rua nolu (20) .
Jornalista ; Ano
Editor ; NP
