RCL VP NEWS 18/11/2021
Sekretariu Estadu Igulidade no inkluzaun (SEII) Municípiu Laútém sei kontinua implementa programa haat (4) kompostu husi Abrodagen Integradu Generu, Prevensaun Violencia Bazea ba Generu, hakbi’it Economia Feto no hasa’e partisipasaun feto iha vida politika no nivel foti desijaun, atubele reduz Violensia Bazea ba Generu iha Municípiu Laútém.
Pontu Fokal SEII Municípiu Laútém, Leojita Da Costa ba Jornalista RCL iha nia servisu fatin quinta feira ne’e 18/11/2021 ne`e hateten , atu bele porteje feto sira nia direitu bazea ba Generu, SEII Municípiu Laútém iha ona programa prioridade 4 , hodi bele redus Violensia Bazea ba Generu iha Municípiu Laútém.
Pontu Fokal ne’e haktuir tan katak , atu asegura Igualidade Generu iha Municípiu Laútém, SEI mos estabelese ona Grupu Traballu Generu Municipal no Asociasaun Feto Laútém (AFL) iha Municípiu Laútém.
“ Esforsu ne’ebé SEII halo hodi fo portesaun ba maluk feto sira nia direitu iha Municípiu Laútém ne’e, ami iha programa 4 ne’ebé sai ami nia prioridade atu implementa maka primeiru Abrodagen Integradu Generu, Prevensaun Violencia Bazea ba Generu, hakbi’it Economia Feto no hasa’e partisipasaun feto iha vida politika no nivel foti desijaun, iha mos esforsa ne’ebé ami halo iha nivel Municípiu maka estabelese ona grupu traballu generu Municipal tuir rejolusaun Governu, iha mos pontu fokal generu iha sector hot-hotu, ami mos estabelese ona Asociasaunn Feto Laútém ga ema babain bolu AFEL atu asegura katak planu municipiu ne’e sensivel ba generu,” hatete Leojita Da Costa ba Jornalista RCL iha nia servisu fatin quinta feira ne’e.
Leojita ne’e mos akrecenta katak, atu halo Prevensaun ba Violensia Bazeia ba Genru iha Municípiu Laútém / SEII servisu hamutuk ho Ministerio Solidaridade Sosial no Inklujaun ga MSSI Municípiu Laútém hala’o ona sensilizasaun kona ba Prevensaun Violensia Bazeia ba Genru ba komunidade no Estudante sira iha Municípiu Laútém.
“Saida mak Pontu Fokal halo atu prevene violensia sira maka ami halo ona sensibilizasaun atu halo prevensaun violensia Bazea ba generu, ami iha ne’e la servisu mesak, ami servisu hamutuk ho Polisia VPU, hamutuk mos ho Centro Solidadridade Sosial CSS Municípiu nian ami halo ona sensibilzasaun portesaun labarik, gender baziku ba studante sira ba komunidade sira ba mos funsionario sira,” Leojita akrecenta.
Entertantu : ParteLeojita ne’e mos informa atu bele prevene violensia bazea ba generu iha Municípiu Laútém ne’e mai husi ida-idak nia konsiensia rasik.
Jornalista:Ito&sinta
Editor:Nascimento Provincial
