Lospalos [RCL Vox Populy] – Durante ne’e komunidade balun sei kontinua tesi ai ho illegal. Aktus ne’e, Guarda Florestal munisípiu Laútem prende ai komunidade husi area Pupur, suku Muapitine no Aldeia Ira-Ara Postu Lospalos nia Le`et ho kúbiku 3,48, no agora dadaun sei iha armagen Florestal Laútem.
Diretór Agricultura no Peskas Laútem Almeida Frans Xavier hateten / foin adauk ne’e Guarda Floresta ho Polísia Laútem prende ai kameli ho kilograma atus rua resin, no oras ne’e asegura ona iha armagen Florestal munisípal.
Nia deskonfia komunidade sira iha ligasaun diak ho empreza xineza nune’e bele faan, tamba ne’e mak Autoridade munisipal tau atensaun ba asuntus ne’e.
‘’kona ba tesi ai ho ilegalmente parte agricultura labele rekonhese maibe sei ejiste nafatin inkliu ba ai kameli nebe comunidade balun sei subar hodi tesi , ai hirak ne’be mak stadu bandu maibe foin dadauk ita nia guarda floresta ho PNTL munisipio lautem Prende Ai Kameli ho kilograma atus rua resin no agora dadaun sei iha armajen floresta nian iha munisipio lautem , maibe comunidade mos iha ligasaun nafatin ho negosiante sineja sira hodi tesi ai arbiru hodi fa’an ba sineja sira wainhira parte agricultura hetan ne’e iha problema no sei hatan ba iha tribunal”. Almeida savier hateten.
Baze legal kona ba lei krime hakerek nanis ona iha artigo 221 to’o 227 hateten, wainhira komunidade tesi ai illegal konsidera krime no sei aplika sansaun ba vendedor no negosiante.
‘’ baze legal lei krimi nian atus rua rua nolu resin ida to’o atus rua rua nolu resin hitu lei ida ne’e esplica klaru katak kuandu ida ne’e mosu prosesu to’o profunda ne’e krimi depois halo sansaun tamba sineja sira ai laiha maibe sira hahu fa’an ai ho ilegalmente. Nia esplika.
Diresaun Agrikultura munisípiu Laúten ne’e mos husu nafatin ba komunidade munisípiu Laútem katak, wainhira tesi ai tenke iha lisensa ho legal, nune’e labele hamosu problema.
Jornalista: Syda
Editór: Zem-Kasar
