Lospalos RCL VP 17/03/2024 = Ahi Han Uma Komunidade Ida iha Bairo Lausepu , Aldeia Lospalos , Suku Fuiloru , Postu Administrativu Lospalos , iha Dominggo 17/03/2024 Maizumenus tuku Tolu Lorokraik , Sasan Uma laran la konsege Salva.
Vitima insediu Georjino Madeira ba Jornalisa sira hateten,Akontesementu ne`e akontese ba nia Aán iha Tuku Tolu Lokraik , wainhira Vitima ho nia Familia , ba Lia Mate iha Suku Home , no Oan Feto mesak mak hela iha Uma Sunu Lilin iha Oratoriu hodi Reza , no Haluha la hamate Lilin no toba Dukur , nune`e lilin ne`e rasik mak Sunu motuk Uma ho nia sasan Uma laran.
‘’Akontesementu ne`e akontese , Wainhira hau ho Hau nia Familia ba Suku Home hodi Partisia iha Lia Mate ida , Hela mak Hau nia Oan Feto , Motivu husi Insediu ne`e mai Lilin ne`ebe Hau nia Oan Feto Sunu iha Oratoriu hodi Reza , maibe Reza hotu tiha , nia Haluha Hamate no nia ba toba Dukur tiha , Derepente Lilin ne`e mak Monu no Haan fali Uma ho nia Sasan sira la konsege Salva , husi Akontesementu ne`e , Hau nia Oan Feo konsege salva nia Aán no laiha Problema , maibe Hau nia Sasan Uma laran maka Mutuk hotu.’’ Deklara Vitima insediu Georjino Madeira ba Jornalisa sira Sabadu 17-03-2024
Sorin seluk , Administrador Postu Administrativu Lospalos , Olderico Quimbra hateten , ho Akontesemento ida ne`e , nia parte to’o kedas iha fatin akontesimentu no halo kontaktu ba Autoridade Protesaun Sivil ho nia Ekipa Bombeirus sira no to’o kedan iha fatin Akontesimentu hodi hamate Ahi hodi labele da`et ba uma sira seluk.
‘‘Depois de akontesimentu ne’e akontese ’ hau to’o kedas iha fatin akontesimentu hodi halo kontaktu ba Autoridade Protesaun Sivil ho nia Ekipa Bombeirus sira ,no sira mos to’o kedan iha fatin Akontesimentu ida ne’e, hodi hamate Ahi refere atu labele da`et ba uma sira seluk.’’ Dehan APA Lospalos ba Jornalista sira iha 18-03-2024
Alende ne`e , Komandante APC Munisipiu Lautem Inspetór Xéfe Polisia Tito da Silva hateten , ho Informasaun ne`ebe nia parte rona , Ekipa APC ho Bombeiros tun kedan iha fatin akontesimentu hodi halo asaun Kombate , nune`e ahi labele Da`et ba Uma seluk , iha loron ne`e kedas Entrega mós Sasan Emerjensia ba Familia Vitima .
‘’ wainhira hau rona informasaun ne’e hau hamutuk ho hau nia seksaun sira tun kedan ba fatin akontesimentu hodi halo salvasaun hodi bele kombate atu nune`e ahi labele dada ba uma seluk ,no iha loron ne`e Kedas parte APC mos fo kedan Apoi Emergensia ba familia Vitima, ami APC mos foti kedan dadus uma ne’e nia kondisaun karik tama kategoria ba famila afetadu sira,sira sei hetan Apoiu Material Rekuperasaun maun de Obra nian .’’ hateten komandante APC Munisipiu Lautem Inspectur Chefe Polisia Tito da Silva
Entertantu: Autoridade Protesaun Civil , sei Prosesa hela dadus , ne`ebe Rekoila iha Fatin Akontesementu , no Posivel Vitima Dejastre sei hetan , Material Rekuperasaun no Mão de Obra . Obra.
Jornalista ; syda
Editor ; NP
