Lospalos , RCL VOX POPULY 25/10/2022 = Bazea ba Lista Candidatu Estudante ne`ebe partisipa iha Ezame Nasional ba Anu lètivu rihun Rua , Rua nolu resin Rua (2022) ne`ebe husi Ensinu Bazicu Central ga EBC Lulira Lospalos , hamutuk na`in Atus ida Sia nolu resin Hitu , maibe to`o Loron Ezame , Na`in Hitu Rezigna àn no Na`in ida Seluk , sei tuir Ezame Susulan.
Dietòr Adjuntu ne`ebe mòs nudar Prezidente Comisaun Organizadora Ezame Nasional no Local , EBC Lulira Lospalos Rui Zitu Fernandez ba Jornalista RCL iha nia Kna`ar fatin Tersa feira ne`e hateten , bazea ba dadus Husi Nasional katak , Candidatu Alunu ne`ebe sei Partisipa iha Ezame Nasional no Local hamutuk Na`in Atus ida Sia nolu resin Hitu , maibe to`o Loron Ezame , Finalista Na`in Atus Ida Sia nolu resin Ida mak Partisipa Ezame Nasional no Local , no Na`in 8 sira seluk la partisipa.
Nia mòs informa , Dadus Candidatu Finalista ne`ebe Parte Eskola manda ba Nasional , hamutuk Na`in Atus ida Sia nolu resin Hitu (179) , maibe to`o Loron Ezame , Na`in Hitu (7) Rezigna sira nia àn la ho Informasaun , no Na`in ida Seluk , sei tuir Ezame ikus ga Ezame Susulan.
‘’ Iha ne`e hau hakarak informa de`it katak , Bazea ba Lista Candidatu Estudante ne`ebe partisipa iha Ezame Nasional ba Anu lètivu 2022 katak , Finalista Ensinu Bazicu Central ga EBC Lulira Lospalos , hamutuk na`in Atus ida Sia nolu resin Hitu mak partisipa iha Ezame Nasional , maibe to`o Loron Ezame , Na`in Hitu Regigna àn la hò Informasaun Klaru husi Inan ho aman alunu , no Na`in 1 Seluk sei hetan Oportunidade iha Ezame loron seluk ga Ezame susulan , tamba nia Familia Mate iha tempu agora , nune`e dadus total Alunu ne`ebe dada`un ne`e partisipa iha Ezame Nasional no Local husi loron Primeiru to`o Agora hamutuk na`in 171 de`it.’’ Informa Diretòr Adjuntu ne`ebe mòs nudar Prezidente Comisaun Organizadora Ezame Nasional no Local , EBC Lulira Lospalos Rui Zitu Fernandez ba Jornalista RCL iha nia Kna`ar fatin Tersa feira 25/10/2022 ne`e.
Diretòr Adjuntu ne`e mòs husu ba Finalista sira atu estuda didiak , tamba loron Aban hahu ohin , no futuru sira nian sei nabilan iha tempu oin , mai wainhira kontinua Estuda to`o iha Ensinu superior .
‘’Ami Parte Eskola , kontinua husu ba Alunu finalista sira iha ami nia Eskola ne`e , atu estuda didiak , hetan Valòr diak ho Pasa hikas ba Ambiente Eskola foun , iha Ensinu Secundaria , tamba atu hetan Prestasaun ne`ebe diak iha Area Edukasaun , la`os tu`ur de`it maibe tengki buka Aprende ciensia seluk , nune`e bele hasa`e Kapasidade Ciensia nian , hodi hetan Futuru ne`ebe Nabilan iha tempu oin mai.’’ Hateten nia.
Entretantu; Alunus Finalista Sira , tama iha ambiente Eskola tuir Oras ne`ebe Determina , husi tuku 7:45 hahu tama aula , no 8:00 hahu Materia Ezame to`o remata , no professor Vizilante hamutuk Na`in Rua nolu .
Jornalista ; Sili
Editor ; NP
