LOSPALOS RCL VOX POPULY 27-10-2022 = Ong Konservasaun Internasional , iha Tempu badak nia laran , sei halo Produsaun Rò Viber Glass iha Municipiu Lautèm , hodi Apoia no distribui ba Grupu Konservasaun iha Suco tolu , hanesan Tutuala iha Postu Administrativu Tutuala , Lorè Primeiru iha Postu Administrativu Lorè no Suco Com iha Postu Lautèm Municipiu Lautèm.
Marine Field Cordinator iha Area Parque Nasional Ninu Koni Santana Municipiu Lautèm , Alkaterio Abril Domingos liu husi Via Telefonika ba Jornalista RCL Quinta feira ne`e hateten, Produsaun Rò Viber Glass ne`e ho Objetivu , atu bele Apoia Grupu Conservasaun sira ne`ebe Pertense iha Sucu Tolu nia laran , hodi utiliza ba Monotoriza no Seguransa iha Area Kosteiru ne`ebe Estabelese ona , nune`e bele Proteze Rikeza Tasi no rai maran nian.
Alkatèriu mòs hateten tan , alende utiliza ba Monitorizasaun , Grupu Conservasaun sira mòs sei utiliza ba Peska nian , hodi sustenta Ekonomia Grupu Konservasaun ne`ebe estabelese ona iha Suco Tutuala , Lorè Primeiru no Suco Com.
‘’Ami Conservasaun Internasional tuir planu sei implementa Actividade ida iha tempu badak nia laran mak , atu prodùs Rò Viber Glass iha Municipiu Lautèm, sei Distribui ba Grupu Konservasaun ne`ebe estabelese ona iha Suco Tutuala , Lorè Primeiru no Suco Com,hodi apoia sira ba Monotoriza no Seguransa iha Area Kosteiru ne`ebe Estabelese ona , nune`e bele Proteze Rikeza Tasi no rai maran nian , Alende utiliza ba Monitorizasaun , Bele mòs uza ba Actividade Peska nian , hodi sustenta Ekonomia Grupu Konservasaun ne`ebe estabelese ona iha Suco Tutuala , Lorè Primeiru no Suco Com.’’ Hateten Marine Field Cordinator iha Area Parque Nasional Ninu Koni Santana Municipiu Lautèm , Alkaterio Abril Domingos liu husi Via Telefonika ba Jornalista RCL Quinta feira 27/10/2022 ne`e.
Entretantu; Ong Konservasaun Internasional nia Servisu iha Municipiu Lautèm ,atu hametin Jestaun ba Area Protezida ne`ebe estabele iha Parque Nasional Ninu Koni Santana Municipiu Lautèm ,no Conservasaun Interhnasional hahu Eziste iha Municipiu Lautèm husi Tinan 2017 to`o agora.
Jornalista:ACI
Editor:NP
