LOSPALOS RCL VOX POPULY 09-02-2023 = Diretòr Servisu Municipal Edukasaun Juventude no Desportu SMEJD, Municipiu Lautèm Husu ba Auditòr sira , ne`ebe hala`o Audit Social iha Area Edukasaun , tengki iha Nota intendimentu ho Estado no halo Liña Kòrdenasaun ne`ebe metin ho Estadu , nune`e ita bele hare hamutuk hodi rejolve , wainhira Problema ruma mosu iha Futuru.
Diretòr Edukasaun Municipiu Lautèm Rui Miranda Branco liu husi Encontro Validasaun dadus Auditòriu Sosial Comunitàrio nivel Municipal , ne`ebe Organiza husi Ong Fundamòr iha Salaun Paroquia São Paulo Lospalos Quarta feira ne`e konsidera , Programa Auditòriu Social ne`e Importante hodi bele descobre Problema Educasaun ne`ebe mosu iha terrenu , hodi bele halo asaun iha future , maibe labele halo iha Eskola balun de`it , tengki kobre ba Eskola hotu iha Municipiu Lautèm.
Nia mòs afirma , Parseiro Dezenvolvimento ne`ebe hala`o servisu iha area Edukasaun , tengki iha Liña Kòrdenasaun ne`ebe diak , no Parseiru Dezenvolvimento , liu-liu ba Sociedade Civil , ne`ebe atu halo Auditòriu iha area Edukasaun , tengki hatudu nota de Intendimentu husi Ministèriu , ou Diretòr Geral sira , wainhira laiha labele halo Auditòriu iha terrenu , hodi Evita problema ne`ebe mosu iha Futuru .
‘’ Programa Auditòriu Social ne`e Importante hodi bele descobre Problema Educasaun ne`ebe mosu iha terrenu , hodi bele halo asaun iha future , Parseiro Dezenvolvimento ne`ebe hala`o servisu iha area Edukasaun , tengki iha Liña Kòrdenasaun ne`ebe diak ho Superintendente sira , tamba sira mak sai Investigador ba Problema Edukasaun nian . Parseiro Dezenvolvimento tengki hatudu nota de Intendimentu husi Ministèriu , ou Diretòr Geral sira , wainhira laiha labele halo Auditòriu iha terrenu, hodi Evita problema ne`ebe mosu iha Futuru , Exèptu kuando iha Asinatura husi Ministro ga Diretòr geral ga Administràdor Municipiu ou Diretòr Educasaun , ne`e bele , tamba wainhira laiha nota intendimentu ruma husi Estadu , depois Implementa ona Programa iha Area Eskola kuandu Mosu Problema fò sala fali ba Parte Estadu ne`e la lòs , ne`eduni iha Biban ida ne`e hau husu ba Parseiru Dezenvolvimento sira tengki hatudu nota intendimentu ruma , no kordena ho Setòr relevante iha Municipiu , hafoin bele Implementa Programa iha terrenu , Ami la`os lakoi simu Auditòria Sosial kona ba Problema Infràstrutura , maibe pelumenus iha Kordenasaun no Komunikasaun ne`ebe diak Entre Estadu ho Parseiru Dezenvolmento , atu it abele la`o hamutuk hodi Solusiona Deskobrimento Problema ne`ebe iha.’’ hateten Diretòr Edukasaun Municipiu Lautèm Rui Miranda Branco liu husi Encontro Validasaun dadus Auditòriu Sosial Comunitàrio nivel Municipal , ne`ebe Organiza husi Ong Fundamòr iha Salaun Paroquia São Paulo Lospalos Quarta 08/02/2023.
Diretòr ne`e mòs Agradece ba Sociedade Civil liu-liu Ong FUNDAMÒR nia servisu tomak , tamba ho sira nia servisu bele descobre Problema kona ba Infràstrutura , Rekursu Ùmanu , no Fasilidade Eskola sira , hodi ajuda Estadu ba Planu Estratègia Edukasaun nian.
‘’Iha Biban ida ne`e hau Agradece ba Sociedade Civil Sira nia Servisu , kona ba Auditoria Social iha Setòr Edukasaun nian, tamba ho sira nia servisu bele descobre Problema kona ba Infràstrutura , Rekursu Ùmanu , no Fasilidade Eskola sira , ajuda ona Estadu liu-liu Ministèriu Edukasaun atu bele toma konsiderasaun iha Planu Estratègia Edukasaun nian, liu husi Dadus ne`ebe iha , no ida ne`e kontribuisaun ida ne`ebe Sociedade Civil sira halo ba Prosesu Dezenvolvimento Edukasaun nian.’’ Dehan Rui.
Entretanto; Atu Dezenvolve setòr Edukasaun ho kualidade , la`os parte ida de`it nia Responsabilidade , maibe Involvimentu Entidades relevante sira hotu , hodi bele tau matan , tamba Setòr Edukasaun nùdar lalenok Mundu nian .
Jornalista:Mento
Editor:NP
