Lospalos , RCL Vox Populy 21/08/2023 = Administrasaun Munisìpiu Lautém , liu husi Komisaun Organijadora ba Selebrasaun Loron Konsulta Popular 30 de Agostu 2023 nian , sei Organija Seminàriu loron Ida ho tema Sentràl ‘’Obstàklu,Dezafìu no Oportunidade iha Àmbitu preparative bá Futuru Podér Lokál ‘’ ne`ebe tuir planu sei realija iha Salaun Orfanatu Don Bosco Lospalos Sexta Oin mai.
Aministradòr Munisìpiu Lautém Domingus Xáviu ba Jornalista sira Salaun Administrasaun Munisìpiu Lautém Segunda ne`e Informa, tema ba Seminàriu ida ne`e pertenente tebes ba prosesu preparative ida ba implementasaun Desentràlijasaun ga Podér Lokál , ne`ebe la`o ona iha Munisipiu sira iha Nasaun ida ne`e.
‘’Seminàriu ne`ebe ita sei realija iha Munisìpiu Lautém ne`e , hola parte ba komemorasaun loron konsulta Popular ne`ebe , sei akontese iha 30/08/2023 , ne`ebe ita hahu antes loron Importante ida ne`e , ne`eduni Ita Konvida Péritu sira husi Nasional , hanesan Membru do Governu no Tenente Jeneral Reformadu LAT , Viçe PM,MAE ,Prèzidente KFP no seluk tàn . Tema Sentral ne`ebe ita define ona mak ‘’Obstàklu,Dezafìu no Oportunidade iha Àmbitu preparative bá Futuru Podér Lokál’’ , tema ida ne`e pertenente tebes ba prosesu preparativu ida ba implementasaun Desentràlijasaun ga Podér Lokál , ne`ebe la`o ona iha Munisipiu sira iha Nasaun ida ne`e , inklui Munisìpiu Lautém.’’ hateten Aministradòr Munisìpiu Lautém Domingus Xáviu ba Jornalista sira Salaun Administrasaun Munisìpiu Lautém Segunda 21/08/2023.
Aman ba Munisìpiu Lautém ne`e mòs hateten , kada tinan Munisìpiu Lautém , aloka orsamentu ba Loron Nasional sira , inklui Komemorasaun Loron Konsulta Popular , nune`e ita hotu bele promove no Valorija nafatin Kontiudu Ukun rasik Àn nian.
‘’Tinan –tinan ita iha orsamentu ba loron Nasional sira , no ba loron Komemorasaun Konsulta Popular ba tinan ida ne`e , ita prevè Orsamentu ho Montante $1.500.00 ba Seminàriu loron ida ne`ebe ita konvida Pèritus no Governante sira atu ita bele tau hanoin bai ta hotu kona ba Futuru ba Desentràlijasaun ga Podér Lokál ba Munisìpiu Lautém ,no oinsa mos ita bele hatene kontiudo ukun rasik an liu husi Dèzafiu no obstaklu ba Dejenvolvimentu.’’
Entertantu: Atìvidade Seminiario ba Loron konsulta popular ba Tinan 2023 ne’e sei halao iha Salaun Parokia São Paulo lospalos loron Séxta 25 de Agostu rihun Rua , Rua nolu resin Tolu (25/08/2023)
Jornalista; Linda
Editor; NP
