Lospalos , RCL Vox Populy 21/08/2023 = Projétu rehabilitasaun Rezidénsia Administradòr Munisìpiu Lautém , ne`ebe Responsabilija husi Kompañia Lokál Marvong Unipessoal Lda iha Munisìpiu , tuir Planu sei Finalija no Entrega ba Projétu Na`in iha Fulan Setémbru tinan ida ne`e .
Diretòr Kompañia Marvong Unipessoal Lda , Martiñu Vong ba Jornalista RCL , iha nia servisu fatin Segunda ne`e hateten , Rekoñese lolos Òbra ne`ebe Kompañia refere responsabilija ne`e , lolos Òbra ne`e finalija ona iha tinan Rua liu ba , maibe tamba Kompañia refere infénta Obstàklu no Dezafiu barak , ne`eduni , Projétu ne`e rasik remata ho durasaun tempu tinan Rua .
‘’Hau (Diretòr Kompañia) rekoñese duni katak , Projétu ne`e la`o liu ona Durasaun tempu , tamba durasaun Projétu ne`e Fulan 8 de`it maibe tamba , Durante Obra ne`e la`o , ami Infrénta Problema kona ba Mudansa Folin Material Konstrusaun , Iklima , no probléma tékniku balun , ne`eduni Projétu rehabilitasaun Rezidénsia Administradòr Munisìpiu ne`e tarde to`o tinan 2 , maibe Amin nia parte sei Esfòrsu , no promote ona atu Intrega Projétu ne`e ba Na`in Projétu iha loron 28/10/2023 atu bele uja ba Rezidénsia Estadu nian.’’ esklarese nia.
Entertantu: Prosesu Rehabilitasaun Pakotementu ne`e mai husi Orsamentu Programa Dezenvolvimentu Integradu Munisìpal, Munisìpiu Lautén , ho montante Orsamentu hamutuk , $252,053.84.00. ne`ebe kòbre ba Pakote Rua mak hanesan Rehabilitasaun Lutu Protésaun no Uma Rezidénsia ne`e rasik .
Jornalista; syda
Editor; NP
