Lospalos RCL VP 05/10/2023 =Asosiasaun Feto Lautém (AFEL) Munisípiu Lautém, Servisu Hamutuk ho Sekretária Estádu ba Inklúzaun SEI , Quinta feira ne`e Hala`o Formasaun kona ba Lideransa, ba Féto Poténsial hodi Prépara ba Prósesu Kandidátura Lideransa Komunitáriu , iha Munisípiu Lautém , iha Salaun Administrasaun Munisípiu.
Prézidente AFEL Munisípiu Lautém, Maria Ligía de Fátima liu husi Abertura Formasaun ne`e hateten , Formasaun ida ne`e , hó Objétivu atu Fahe Infórmasaun Kona ba Enkuadrámentu Legál sira , ne`ebe ligadu ho Kandidatura ba Elisaun Xéfe no Konsellu Suku iha Munisípiu Lautém ba tinan ida ne`e , nune`e Maluk feto sira bele hatene , Wainhira kandidáta sira nia Án ba Elisaun Lideránsa , tampa Feto próntu atu Lidéra.
‘’Objétivu Formasaun ba Feto Poténsial ne`e , AFEL hakarak aatu Prépara no Enkoraja Feto Poténsial sira hodi Prépara sira ba Prosesu Kandidatura Lideransa Komunitáriu iha Munisípiu Lautém, Formasaun ida ne`e , atu Fahe Infórmasaun Kona ba Enkuadramentu Legál sira , ne`ebe ligadu ho Kandidatura ba Elisaun Xéfe no Konsellu Suku iha Munisípiu Lautém ba tinan ida ne`e, Liu husi Formasaun ne`e , Hanesan Oportunidade ida , atu bele Motíva no Enkoráza Feto Poténsial sira hodi bele Kandidata ba iha Prosesu Kandidatura ba Elisaun Lideransa Suku nian.’’ Dehan Prézidente AFEL Munisípiu Lautém , Maria Ligía dé Fátima liu husi Abertura Formasaun ba Feto Poténsial sira iha Salaun Administrasaun Munisípiu Lautém. Quinta 05/10/2023.
Antes ne`e , Pontu Fokal AFEL iha Postu no Suku , hahu hala`o ona Aprosimasaun no no Konsultasaun ba Feto Poténsia sira iha Munisípiu ida , ne`e atu bele Kandidata sira nia Án iha Elisaun Lideransa Suku nian ba tinan ida ne`e.
Iha Fatin Hanesan Reprejentante Sekretária Estadu ba Inklujaun SEI Carla Maria Valente hateten.Oportunidade ida ne`e Oportúnu tebes , atu it abele hamutuk hodi Enkoraja Malu , hodi hafórsa diak liu tan Feto Nia Direito ba Lideransa nian , tamba dada`un ne`e Feto Timor Leste mós Prontu ona atu Lidéra .
‘’SEI Delega hau Mai iha ne`e , atu hato`o Politika SEI nian hodi Enkoraja Feto maluk sira , oinsa atu Hakát hodi foti Desijaun , ne`ebe hola parte ba Politika Abordajen Integradu Jéneru nian , ho nia Lei , Programa no Orsamentu sira , hodi Eleva Feto Maluk sir abele hakát ba Oin , tamba iha Nasaun ida ne`e Feto Próntu atu Lidéra , SEI iha Esperansa katak , Parseiru Mane sira kontinua Suporta ita Feto sira , atu bele Lidera no Foti Desijaun iha Nivél saida de`it.’’ Dehan Carla.
Entretantu ; Formasaun Lideransa ne`e fahe ba parte Rua , Dahuluk husi Postu Administrativu Tolu , hanesan Postu Luro , Tutuala no Lautém , enkuantu Postu Loré , Lospalos , no Iliomar sei hala`o iha Loron tuir mai.
Jornalista ; SdC
Editor ; NP
