Lospalos RCL VP Segunda 11/03/2024 = Ong Ba Futuru Liu husi Kóperasaun Servisu Ong Child Fund iha Timor Leste , Segunda Feira ne`e hala`o ona Treinamentu Haforsa Ekonomia ba Grupu Voluntariu no Estudante sira husi Ensinu Secundária Geral no Tékniku Vokasional iha Institutu Apoiu Dezenvolvimentu Emprezarial IADE Munisípiu Lautém .
Field Coordinator ONG ba futuru Bernardino Marques Marvão ne’ebe jornalista RCL hasoru Iha salaun IADE hateten , objective ba treinamentu ida ne’e Atu haforsa Ekonomia ba grupu voluntariu sira no ba Eskola Secundaria sira iha Postu Lospalos , atu bele aumenta kapasidade no iha Area Haforsa Ekonomia nian.
‘’Iha ne`e hau hakarak hateten de`it katak , Treinamentu ida ne`e , hanesan Treinamentu ida ne`ebe atu haforsa Kapasidade Estudante no Grupu Voluntariu sira , kona ba oinsa lala`ok atu haforsa Ekonomia , nune`e Treinamentu ida ne`e Importante ba Estudante sira hotu , liu-liu Estudante sira ne`ebe iha Nivél Secundária , oinsa sira bele hatene no oinsa sira bele adapta ideia ne’e rasik no formasaun ida ne’e importante liu ba partisipante sira ne’e existe iha munisipiu lautem laran.’’hateten Field Coordinator ONG ba Futuru Bernandinu Cabral Marques Segunda 11-3-2024
Entertantu; Eskola Secundária no Geral no Tékniku Vokasional ne`ebe hola parte iha Treinamentu ne`e mak Ensinu Secundária Geral Lere Anan Timor no Koni Santana Lospalos , ESTV Númeru 1 no 2 Lospalos , Eskola CAFÉ Lospalos , no Treinamentu ida ne`e sei la`o durante loron 5 , Hahu husi Segunda no sei remata iha Sexta feira .
Jornalista ; cesy
Editor ; NP
