LOSPALOS RCL VOX POPULY=Organizasaun Internasional ba Trabailador ga ILO ho Governu liu husi Ministèriu Obras Pùblica , Tersa Feira 26/04/2022 ne`e Inagura ona Estrada rural nebe liga Aldeia Foem`a ba Luturula Sucu Soru no Aldeia Nairete ba Suco Leuru , Postu Administrativu Lospalos Municipiu Lautèm nebe hahu Rehabilita iha Tinan Rihun Rua Rua nolu.
Sekretariu Municipiu Lautem Jacinto da Costa iha Serimonia Inagurasaun ne’e hatete, hanesan Autoridade Municipiu Lautem agradese tebes ba uniao europeia no ajensia international sira ne’ebe ho fuan bo’ot hanesan Anjo no Maromak hodi bele rehabilita ona Estrada ida ne’e , atu nune’e bele fasilita ona Komunidade sira hodi bele asesu ba merkadu ho diak.
“Agradese Tebes nudar Uma nain hau hetan previlejiu no hondra bo’ot ida atu bele hato’o sentimentu ne’e iha fatin ida ne’e, preimeiru hakarak hato’o agradeseba Uniao Europea sira no equipa tomak ne’ebe fasilita ona ho nia Fuan maromak nian fuan anjua nian ne’ebe mak ohin Foti sae ami nia komunidade ne’ebe mak hela iha Cenumatu Luturula ne’e iha rai okos tebes laos ida ne’e deit maibe iha fatin seluk mos hanesan,” hatete Jacinto Dos Santos.
Fatin Hanesan Xefe Suku Leuro, Carlito Viegas ne’e mos haktuir, nudar reprezente Komunidade nian iha baze sente orguilho no apresia tamba desde ukun a’an Komunidade sira iha aldeia rua ne’e la asesu Estrada ho diak maibe ohin loron komunidade bele asesu ona Estrada ho diak.
“Hau nia Obrihgadu wain ba Uniao Europeia tamba desde ita ukun a’an to’o mai ami ita inagura ona ami nia Estrada durante ne’e ami nia komunidade iha nivel area rural ne’e la asesu Estrada maibe liu husi projetu Era argo Floresta ne’e ami nia komunidade bele asesu ona Estrada ho diak,” haktuir Carlito Viegas.
Diretor Geral Obras Publika, Rui Henani mos informa hanesan reprezentante Guvernu Central agradese ba Uniao Europeia tamba bele apoiu no halo koperasaun diak ho GUvernu Timor Leste hodi bele dezenvolve setor sira liu-liu ba setor infrastrutura iha area rural atu nune’e bele fasilita komunidade sira hodi asesu merkadoria
“Em nome do Ministro no Ministerio obras Publika atu agradese liu-liu ba Uniao europeia tamba bele fo apoiu no halo koperasaun diak ho Timor-Leste hodi bele dezenvolve setor lubuk ida n’ebe ita bele hatete iha laran obra ida ne’e afeita no fo influensia direitamente ba ita nia komunidade sira tamba benefisiu ne’e sira sente direita, ita hotu hatene katak iha Timor-Leste ita iha Difikuldades barak em ke ita nia iha 65 ate 70 % ita nia komunidade hela iha area rural, se ita hatene katak ema barak mak iha ne’ebe ne’e signifika potensia iha ne’eba tamba ne’e ita tenke kria kondisaun ba sira hodi bele asesu ba Fasilidade Estadu, Fasilidade Publiku liu-liu bele lori produtu Lokal ba merkadu ho diak atu nune’e sira bele dezenvolve sira nia moris,” hatete Rui Henani.
Sorin seluk prezidente ILO iha Timor-Leste, Michiko MyaMoto hatete, projetu rehabilitasaun ida ne’e implemente husi ILO no apoiu Fundus husi Uniao Europeia servisu hamutuk ho guvernu Timor-Leste hodi bele fo kampu Trabaillu Ba Komunidade lokal sira inklui oinsa bele asesu ba Edukasaun, Saude no merkadu ho diak.
Entertantu : Rehabilitasaun Estrada husi Suku soru ba Aldeia Lutrurula ho kilometro rua pontu tolu no husi Aldeia Nairete ba Suku Leuru ho kilometru tolu pontu rua ne’e ho Total orsamentu hamutuk kuaze rihun atus Lima.
Jornalista:ito
Editor;NP
