Lospalos RCL VOX POPULY 24/04/2023 = Ema hotu iha Nasaun Timor Leste , tengki hamutuk hodi Dignifika no Valorija , Direitu Ema ho Defisiensia EhD iha Nasaun Timor Leste , tamba Nasaun RDTL Ratifika ona lei Konvesaun ba Ema ho Defisiensia .
Reprejentante Ministèriu Solidaridade Sosial no Inklujaun (MSSI) iha Munisipiu Lautèm , Bensio da Costa Belo liu husi Programa Advokasia ne`ebe organija husi Raes Hadomi Timor Oan ga RHTO liu husi Radio Lospalos Segunda ne`e hateten , MSSI iha Obrigasaun tamba Ministèriu ne`e rasik mak responsabilija ba Servisu Ema ho Defisiensia iha Nasaun ida ne`e , tamba Governu Timor Leste ratifika ona lei Konvensaun Ema ho Defisiensia , nune`e ba futru sei organija buat hotu ne`ebe relevante ba Ema ho Defisiensia iha Timor Leste.
‘’Agora dada`un ita iha Obrigasaun bo`ot ida , tamba Estadu Timor Leste ratifika ona lei Konvensaun kona ba Ema Defisiensia , entaun ne`e obrigasaun bo`ot id aba ita , liu-liu MSSI ne`ebe sai hanesan Ministèriu ne`ebe responsabilija bo`ot liu ba iha area Ema ho Defisiensia ninian , para atu bele organija buat hotu , maibe tengki ho nene`ik tuir etapa sira ne`ebe iha, tamba ida ne`e mensiona ona iha Planu Asaun Nasional ba Ema ho Defisiensia iha Nasaun Timor Leste.’’ Hateten Reprejentante Ministèriu Solidaridade Sosial no Inklujaun (MSSI) iha Munisipiu Lautèm , Bensio da Costa Belo liu husi Programa Advokasia ne`ebe organija husi Raes Hadomi Timor Oan ga RHTO liu husi Radio Lospalos Segunda 24/04/2023.
Iha fatin hanesan , Reprezentante Servisu Municipal Obras Pùblika Municipiu Lautèm Elizario Pereira hateten , Servisu Obras Pùblika iha Objetivu Estrategiku rasik , mak Dezenvolve no fò prioridade Às ba Povu hotu liu husi Asesibilidade , nune`e husu ba ema ho Bareira oin-oin atu labele desperado , maibe kontinua hamutuk hodi luta Situasaun ne`ebe Maluk Defisiente sira hasoru , tamba hanesan Moto ida katak labele husik ema ida iha Kotuk.
‘’ Servisu Obras Pùblika iha Objetivu Estrategiku rasik , mak Dezenvolve no fò prioridade Às ba Povu hotu liu husi Asesibilidade , nune`e husu ba ema ho Bareira oin-oin atu labele desperado , maibe kontinua hamutuk hodi luta ba Situasaun ne`ebe Maluk Defisiente sira hasoru , tamba hanesan Moto ida katak labele husik ema ida iha Kotuk , nune`e ita hotu , tengki tane Às no Dignifika nafatin Direitu ema ho Defisiensia sira Nasaun Demokràtiku ida ne`e , no fò nafatin korajen diak ba ita nia Maluk Ema ho Defisiensia sira atu bele asesu ba Prosesu Dejenvolvimento ne`ebe adekuadu. hateten Elizario Pereira.
Alende ne`e , Reprejentante Dirasaun Servisu Munisipal Rejisto Notariadu Munisipiu Lautèm Paulino da Costa Alves hateten , Durante ne`e Dirasaun Servisu Munisipal Rejisto Notariadu Munisipiu Lautèm , kontinua hala`o atendimentu Hanesan ba Ema hotu , maibe kontinua fò prioridade ba Maluk Ema Defisiensia sira , tamba sira ne`e presija atensaun Espesial , no la husik sira iha Kotuk.
‘’ Em Prinsipiu Dirasaun Servisu Munisipal Rejisto Notariadu kontinua hala`o atendimentu Hanesan ba Ema hotu tuir Konstituisaun Haruka, maibe ami Dirasaun Servisu Munisipal Rejisto Notariadu kontinua fò prioridade ba Maluk sira Ema Defisiensia, tamba sira ne`e presija hetan atensaun Espesial , hodi hetan nia naran no Nasionalidade ida liu husi atribuisaun Sertidaun Moris RDTL no Bilete Identidade , tamba sira nia kondisaun ho Defisiansia , maibe la signifika atu hamenus rekejitu balun , maibe atendimentu hanesan ho Ema non Defisiente sira , ho servisu ida ne`e ita bele responde no tane às ona Direito ba Ema ho Defisiensia sira , atu nune`e sira mòs bele hola parte no kontribui ba Prosesu Dejenvolvimento iha rai Doben ida ne`e , iha Tinan Kotuk mòs ami hala`o Servisu Rejisto Movel iha Postu 3 iha Munisipiu Lautèm hodi halo atendimento ba Ema hotu iha Postu 3 ne`ebe pertense iha Munisipiu Lautèm , no la husik ema ida iha kotuk Bazea Planu Asaun Nasional ba Ema ho Difisiensia sira , Nune`e Liñas Ministerial sira , iha obrigasaun atu asegura no Valorija nafatin Direito Ema ho Defisiensia sira no sei la husi Ema ida iha Kotuk.’’ Hateten Reprejentante Dirasaun Servisu Munisipal Rejisto Notariadu Munisipiu Lautèm Paulino da Costa Alves.
Husi Sorin Seluk , Còrdinador Raes Hadomi Timor Oan (RHTO) Santo Pereira , agradese ba Entidades hotu , ne`ebe hahu tau atensaun màsimu ba Direito Ema ho Defisiensia iha Nasaun Timor Leste , liu-liu iha Munisipiu Lautèm.
‘’Ami Organijasaun Raes Hadomi Timor Oan RHTO ne`ebe nùdar Organjasaun Nasional Ema ho Defiensia sira , Agradese ba Entidades hotu , liu-liu Liña Ministèrial sira ne`ebe hahu tau atensaun màsimu ba Direito Ema ho Defisiensia iha Nasaun Timor Leste , liu-liu iha Munisipiu Lautèm ho Vijaun ida katak , Ema ho Defisiénsia sira goja masimu sira nia Direitus nudar Humanu ida , ne’ebé empodera hodi atinji sira nia vontade no partisipasaun ho masimu no ho igual iha nivél hotu husi sosiedade Timor-Leste. RHTO Mòs iha Misaun ida ne`ebe klaru , Atu advogar ho efetivu ba direitus Ema ho Defisiénsia, liu husi haforsa redi Nasionál no fasilita inkluzaun iha sosiedade ba mane, feto, no labarik ho Defisiénsia. Hodi asegura partisipasaun husi Ema ho Defisiénsia, iha Dezenvolvimentu ba sira nia-an rasik no Dezenvolvimentu ba sira nia komunidade , Atu hasa’e konxiénsia públika no muda presepsaun públika nian konabá Ema ho Defisiénsia liu husi meius oi-oin hanesan komunikasaun no Programa Treinamentu. Hodi inklui no hakbiit Ema ho Defisiénsia atu hadi’a sira nia integras.’’ Hateten Santos Pereira.
Entretantu; Programa Advokasia Programa RHTO ne`e La`o ho diak , tamba Hetan Koperasaun husi Governo Australia liu husi Parseiro Dezenvolvimento Hùmanu ga PHD iha Timor Leste Atu sensibiliza Inkluzaun Defisiénsia iha Dezenvolvimentu Inkluzaun liu husi mìdia.
J0rnalista ; SdC&Linda
Edior ; NP
