Lospalos RCL VOX POPULY 24/04/2023 = Partidu Demokràtiku , (PD) Deside, kansela sira nia Aktividade Kampaña Politika ho tipu Dialogu iha Aldeia Kuluhun , Suco Fuiloru , Postu Administrativu Lospalos , Segunda feira 24/04/2023 ne`e , hodi konsentra ba Kampaña Komisiu iha Loron Tolu Nolu Fulan Abril Ida ne`e.
Kòrdinador Partido Demokràtiku Munisipiu Lautèm , Armando de Jejus Lopes ba Jornalista RCL iha Sede PD iha Bairo PLN Lospalos Segunda feira ne`e hateten , bazea ba Orario Kampaña ne`ebe fo sai husi Comisaun Nasional Elisões ga CNE katak loron ida ne`e nudar loron Kampaña PD nian iha Aldeia Kuluhun maibe , kansela ho rajaun Soke malu iha tempu no fatin ne`ebe hanesan .
Kòrdinador Partidu Demokràtiku Munisipiu Lautèm ne`e mòs Informa , Maske Orario Kampaña Politika ho tipu Dialogu iha Aldeia Kuluhun, ho Rajaun katak , Partidu Politiku Barak ho Orario no Fatin ne`ebe hanesan , entaun Partidu Demokràtiku Deside hodi Kansela Kampaña ba loron ohin 24/04/2023 .
‘’ Partido Demokràtiku inprinsipiu ita hotu hatene katak , PD ba Estadu no PD ba Povu , tamba ne`e maka , durante Kampaña Politika , ami iha Programa Internal Municipiu Lautèm nian , alende Kampaña Komisiu Pùbliku , ami mòs trasa Planu ba Kampaña liu husi Dialogu , atu nune`e ami bele hasosru Direitamente ami nia Militantes no Apoiantes sira , inklui Povu tomak iha Munisipiu Lautèm , maibe dala ruma ho Nùmeru Partidu Politika ne`ebe barak , no ho Orari no Fatin Kampaña ne`ebe hanesan , Partidu Demokràtiku , Desidi hodi Kansela Kampaña ho tipu Dialogu iha Aldeia Kuluhun , Suco Fuiloru , Posto Lospalos , Munisipiu Lautèm , nune`e ami bele konsentra bai ha Kampaña Komisiu Pùbliiku iha loron 30 Fulan Abril 2023 , ida ne`e rajaun Primeiru . Rajaun Segundu mak , tamba Prezidente Partidu Demokratiku Okupadu ho Kampaña iha Ermera iha loron Hanesan , la disponivel atu arangka mai hikas iha Munisipiu Lautèm , tamba loron 25/04/2023 , Partidu Demokràtiku sei halo nia Kampaña iha Oequse Ambeno , tàn ida ne`e ma kami Kansela Dialogo iha Aldeia Kuluhun Lospalos , Kanselamentu ida ne`e la siknifika katak Kampaña Politika PD nian iha Munisipiu Lautèm laiha , maibe sei akontese ho Kampaña Komisiu Pùbliku iha Loron 30 / 04 / 2023 iha Lospalos .’’ Deklara Còrdinador Partido Demokràtiku Munisipiu Lautèm , Armando de Jejus Lopes ba Jornalista RCL iha Sede PD iha Bairo PLN Lospalos Segunda feira 24/04/2023.
Iha biban ne`e Kòrdinador Partidu Demokràtiku husu ba nia Militantes no Povu tomak , katak labele sente ho Mudansa Orario Kampaña ida ne`e , maibe PD sei hala`o nia kampaña iha Vila Lospalos , iha Loron tolu nolu fulan Abril 2023 , husu ba Strutura sira ne`ebe movimenta Militante sira , Atu hatene kona ba Kanselamento Kampaña Partidu Demokratiku iha Municipiu Lautèm .
‘’ Hau husu ba Militantes no ba Povu hotu ne`ebe iha Munisipiu Lautèm , liu-liu mòs ba Estrutura ne`ebe Movimenta Militantes sira atu Partisipa iha Aktividade Kampaña ho tipu Mini Kampaña , Dialogu , Dor to dor , dala ruma ita iha Mudansa Kalendario , mais quandu iha mudansa ami kontinua informa , labele sente ho Mudansa Orario Kampaña ida ne`e , maibe PD sei hala`o nia kampaña iha Vila Lospalos , iha Loron 30/04/ 2023. Apela nia.
Entretanto;Kanselamento Programa Kampaña Partidu Demokràtiku ho tipu Dialogu iha Aldeia Kuluhun Lospalos ida ne`e , Partidu Demokràtiku Informa ona , ba Comisaun Nasional dos Elisões iha Munisipiu Lautèm .
Jornalista ; SdC
Editor ; NP
