Loré RCL Vox Populy 11/09/2023 = Komandante Polisia Esquarda Loré , Postu Administrativu Loré , Munisípiu Lautém , husu ba Lideransa Komunitáriu husi Suku Rua , iha Postu Loré atu hametin nafatin Pás no Unidade , tamba ida ne`e mak dalan ba Susésu Elisaun Suku , iha Tinan ida ne`e.
Komandante Polisia Esquarda Loré Sergéntu Xéfe Polisia , Acasio Cardozu liu husi Abertura Edukasaun Sivika ne`ebe Organija husi Comisaun Nasional Elisaões CNE iha Aldeia Txái , Suku Loré Primeiru Segunda feira ne`e hateten , Parte Polisia Prontu atu asegura Seguransa iha Suku laran iha Ámbitu Elisaun Lideransa nian , nune`e Komunidade no Orgaun Elitóral sira livre hodi hala`o Préparasaun sira .
Xéfe Sergentu Polisia ne`e mós Husu ba Komunidade no Lider Komunitáriu sira , atu kontinua kolabora ho Parte Segunransa , hodi hametin Pás no Etabilidade husi Préparasaun Elisaun to`o ba Loron Elisaun , hodi bele Festeja Festa Demokrasia ba Lideransa Suku nian ho Susésu .
‘’Edukasaun Sivíka ida ne`e importante bá Komunidade sira , atu bele haténe lala`ok Elisaun Lideransa Suku nian, nune`e ita hotu présija rona no akompña ho diak liu tan , tamba Elisaun ida ne`e Úniku bá ita hotu , atu bele hili ita nia Lideransa tuir Prosedimentu sira ne`ebe ita nia Orgão Elitóral sei esplika mai ita , tamba ne`e ita hotu tengki Hametin Pás no Estabilidade iha ita nia Suku , Postu no ba Munisípiu , hodi Elisaun ida ne`e bele la`o iha Tránkuilidade nia laran , Pás no Unidade mak dalan ba Susésu Elisaun Lideransa Komunitáriu nia ne`ebe sei akontese iha Outubru 2023 oin mai , Parte Polisia Prontu atu asegura Seguransa iha Suku laran iha Ámbitu Elisaun Lideransa nian , nune`e Komunidade no Orgaun Elitóral sira livre hodi hala`o Préparasaun sira, Hau Husu ba Komunidade no Lider Komunitáriu sira , atu kontinua kolabora ho Parte Segunransa , hodi hametin Pás no Etabilidade husi Préparasaun Elisaun to`o ba Loron Elisaun , hodi bele Festeja Festa Demokrasia ba Lideransa Suku nian ho Susésu.’’ Hateten Komandante Polisia Esquarda Loré Sergéntu Xéfe Polisia , Acasio Cardozu liu husi Abertura Edukasaun Sivika ne`ebe Organija husi CNE iha Aldeia Txái , Suku Loré Primeiru Segunda 11/09/2023.
Entretantu; Parte Polisia sei kontinua hala`o Lei no Orden , hodi asegura Seguransa iha Ámbitu Elisaun Lideransa Suku iha tinan 2023 , tamba Elisaun ida ne`e hanesan Festa Democrásia ida ne`ebe Organija Direita husi Komunidade rasik.
Jornalista ; Linda
Editor ; NP
