LOSPALOS RCL VOX POPULY=Prosesu Konstrusaun Uma Kbi`it La`ek ga UKL , husi Ministèrio Administrasaun Estatal , liu husi Programa Nasional Dezenvolvimentu Sucu ga PNDS ba tinan ida ne`e , la`o dada`un iha Aldeia tolu iha Suco Muapitine , Postu Administrativu Lospalos , Municipiu Lautèm.
Xèfe Sucu Muapitine Livio Mendez ba Jornalista RCL , informa , Sucu Muapitine ba Tinan ida ne`e Asesu UKL Unidade Sia (9) mak fahe ba Aldeia tolu , mak hanesan , Aldeia Muapitine,Vailoru no Malahara , no kada Aldeia Asesu Uma tolu .
Nia mòs saliente , nia parte hamutuk ho Komunidade Sucu Muapitine , agradese ba Governu , liu-liu Ministèrio Administrasaun Estatal , bele Implementa Programa UKL liu husi Programa Nasional Dezenvolvimentu Suco ga PNDS iha teritòriu Timor Leste , liu-liu iha Municipiu Lautèm espesial liu iha Suco Muapitine Postu Lospalos.
‘’ Sucu Muapitine ba Tinan ida ne`e Asesu Uma Kbi`it La`ek ga UKL Unidade 9 mak fahe ba Aldeia 3 , mak hanesan , Aldeia Muapitine ,Vailoru no Malahara , no kada Aldeia Asesu Uma 3 ,nune`e nia parte hamutuk ho Komunidade Sucu Muapitine , agradese ba Governu , liu-liu Ministèrio Administrasaun Estatal , ne`ebe bele Implementa UKL liu husi Programa Nasional Dezenvolvimentu Suco ga PNDS iha teritòriu Timor Leste , liu-liu iha Municipiu Lautèm espesial liu iha Suco Muapitine Postu Lospalos, tanba ho Implementasaun Programa ida ne`e bele ajuda ona Familia kbi`it La`ek , nune`e progresu Konstrusaun foin mak hahu iha Fulan Setembru 2022 , no husu ba Governu atu bele Aumenta tàn Benefisiariu UKL iha kada Aldeia ba tinan oin , tamba kada Aldeia Ema barak mak sei moris iha Susar no mukit nia laran .’’ Hateten Xèfe Sucu Muapitine Livio Mendez ba Jornalista RCL Tersa Feira 04/10/2022 ne`e , liu husi via Telefònika.
Lider Comunitàriu ne`e mòs rekonyese katak , Konstrusaun UKL Iha Suco refere tarde liu , no to`o agora balun sida`uk remata , maibe ida ne`e nudar Failansu husi Parte hotu-hotu , no ida ne`e mòs nudar Esperensia ida , hodi melhora diak liu tan Servisu ba tinan ida ne`e.
‘’ konstrusdaun UKL etapa Primeiru tinan 2021 nia ne`e , hau nùdar Lider Comunitàriu iha Suco ida ne`e , konsidera nudar failansu Ema hotu nian , tantu husi Lider Comunitàriu , Tecnicu PNDS , Badaen no fornesidor Matèria konstrusaun nian , nune`e Konstrusaun UKL 3 iha Aldeia Pefefitu Suco Muapitine tarde , no to`o agora sida`uk remata , no ida ne`e mòs nudar Esperensia ida , hodi melhora diak liu tan Servisu ba tinan ida ne`e , nune`e esperensia ida ne`e nudar referensia bo`ot ida ni garante konstrusaun UKL ba tinan ida ne`e bele remata tuir tempu ne`ebe Determina.’’ Hateten nia.
Entretanto; Prosesu Konstrusaun UKL ba Familia Kbi`it la`ek Uma kain Sia iha Suco Muapitine , kompostu husi Aldeia Muapitine 3 , Vailoru 3 no Malahara 3. No hela Aldeia Lopuloho mak sida`uk asesu , espera bele asesu iha tinan oin.
Jornalista:ACI
Editor:NP
