LOSPALOS RCL VOX POPULY 27-10-2022= Administradòr Postu Administrativu Lospalos , Municipiu Lautèm , Quinta feira ne`e , Husu ba Comunidade sira ne`ebe situada iha Vila Lospalos , atu bele Sulan Animal Haki`ak sira , hanesan Kuda no Karau , ne`ebe sempre husi livre iha Fatin Pùblicu sira .
Ba Jornalista RCL Iha nia Kna`ar fatin , Administradòr Postu Lospalos , Dinis dos Santos Batista hateten , Estadu iha ona lei , atu regulariza Animal haki`ak sira , maibe Komunidade kontinua husik sira nia Animal sira hodi la`o livre iha Cidade no Fatin Pùblicu sira seluk , no Animal balun estraga Ambiente sidade no fatin Pùblicu sira balun iha vila lospalos.
Nia mòs hateten tan , ho Asuntu ida ne`e , Administrasaun Postu Esforsu hodi Dezamina Le`i Higiene no Ordèm Pùblicu nian , ba Komunidade sira , liu husi Enkontru Komunitàriu iha Sucu ne`ebe Pertense iha Area Juridiku Postu Lospalos nian , hodi konsensializa Comunidade sira atu Kumpri Lei ne`ebe estado halo ona.
‘’ Hau hanoin kona ba Lei Higine Ordèm Pùblicu estabelese ona , atu bele Proteze no Promove Cidade ida mo`os ba nafatin , maibe kada loron hau nia Equipa Eskotus sira , kontinua ra`ut Animal nia fo`er iha Fatin Pùblicu sira , liu-liu fatin Serimonia iha Area Puihoro nian , buat hirak ne`e hotu akontese tamba Comunidade sira rasik sida`uk iha Konsiensia moral , ne`eduni Ami parte Administrasaun Postu Administrativu Lospalos nian , kontinua Sosializa ba Comunidade sira , atu bele hatene kona ba Kontiudu Decretu lei ne`ebe estadu hasai ona , no ida ne`e parte ida husi ita nia Servisu atu bele tau matan ba Ambiente sidade nian , nune`e Cidade Lospalos kontinua Mòs no Saudavel , ne`eduni hau husu ba ita hotu ne`ebe situada iha Vila Lospalos , atu bele Sulan Animal Haki`ak sira , hanesan Kuda no Karau , ne`ebe sempre husik livre iha Fatin Pùblicu sira , no ida ne`e sei hamosu Foer no Estraga Ambiente cidade nian.’’ Hateten Administradòr Postu Lospalos , Dinis dos Santos Batista ba Jornalista RCL Iha nia Kna`ar fatin Quinta feira 27/10/2022 ne`e.
Entretantu ; Atu harmoniza Kapital Municipiu Lautèm , Comunidade sira tengki kopera ho Governu Local sira , atu bele kontinua limpeza iha Cidade nia laran , tamba Limpeza ida ne`e la`os hein Deit Programa PEMOPA , maibe Governu Local liu husi Xèfe Sucu Sira atu bele hala`o Limpeza iha Cidade nia laran , nune`e Cidade Lospalos bele mo`os no Saudavel.
Jornalista:Linda
Editor:NP
