LOSPALOS RCL VOX POPULY 24-03 -2023 = Xèfe Aldeia Nacroman , Suco Fuiolru Postu Administràtivu Lospalos Antonio da Costa Sèxta feira ne`e Hateten , Tinan ida ne`e hanesan Tinan Politika , tamba Povu Timor Leste sei Infrènta Elisauan Parlamentar , nune`e Nùdar autoridade Komunitària husu ba Juventude sira atu kria Pàz no Estabilidade.
Iha Administràsaun Posto Lospalos , Xèfe Aldeia Nacroman ne`e mòs hateten tàn , Antes tama ba loron Elisaun Partidu Politiku sira hahu hala`o sira nia Kampaña Politika iha Nivel Municipiu to`o iha nivel Aldeia,hodi hato`o sira nia Programa maibe , ita hotu tengki Unidu nafatin hodi rona , no fò desijaun iha loron Elisaun nian.
Nia mòs husu dala ida tan Juventude sira iha municipiu Lautèm , atu bele sai Domin no Pàz nain iha Ambitu Elisaun nian , hodi nune`e prosesu Elisaun tomak bele la`o iha Pàz , Estabilidade no Trànkuilidade nia laran to`o remata.
‘’Hau hatene tinan ida ne`e hanesan tinan Politika , tamba tinan ida ne`e liu-liu iha loron 21 fulan Maio 2023 ne`e Povu Timor Leste , liu-liu Municipiu Lautèm sei infrènta Elisaun Parlamentar , maibe Antes ida ne`e , Partidu Politika sira ne`ebe hetan ona Aprovasaun , sei tùn mai Municipiu , Postu , Suku no Aldeia hodi hato`o sira nia Propaganda politika , ne`e duni hau Nùdar Autoridade Komunitària iha nivel Aldeia , liu-liu iha Aldeia Nacroman husu ba Juventude tomak , atu bele sai Na`in ba Domin no Pàz hodi kontribui ba Estabilidade Nasional , liu-liu iha Municipiu Lautèm , tamba Municipiu Lautèm nùdar Seleiro Nasaun Timor Leste , no sei sai Seleiro ba Dezenvolvimento . Nùdar Autoridade ida , hau husu dala ida tan Juventude sira iha municipiu Lautèm , atu bele sai na`in ba Domin no Pàz iha Àmbitu Elisaun Parlamentar nian, hodi nune`e prosesu Elisaun tomak bele la`o iha Pàz , Estabilidade no Trànkuilidade nia laran to`o remata.’’ Hateten Xèfe Aldeia Nacroman , Suco Fuiolru Postu Administràtivu Lospalos Antonio da Costa Iha Administràsaun Posto Lospalos Sèxta 24/03/2023.
Entretantu; iha tinan politika ba Elisaun Parlamentar ida ne`e , presija Respeitu malu , no kuda nafatin Domin , pàz no Estabilidade liu-liu iha Àmbitu Kampaña Politika , tamba Estabilidade mak Xàve ba Dezenvolvimento Nasaun nian.
Jornalista;Syda
Editor;NP
